黎姿帶女兒行山放電

新冠肺炎席捲全球，市民在今個復活節假期為避炎都鮮有外遊，惟有到郊外遠足呼吸新鮮空氣。而「凍齡愛美神」黎姿（現名︰黎珈而）昨日亦帶着女兒去行山，她在社交網上載短片及留言︰「其實大家困在屋企咁耐，有時都要外出唞唞氣。今日復活節出關放電，放電對我來說，只要有斜坡的地方就係好地方，把握機會行多啲，看看大自然，我和小豬（女兒）都需要呼吸新鮮的空氣。祝復活節快樂，趁假期好好叉足電。」只見精神抖擻的黎姿，與女兒一同戴上口罩行山，步履輕鬆，最後她都不忘提醒網民︰「另提提大家，喺郊外地方雖然無咩人，都要戴口罩，貪靚都係咁話。」同樣熱愛運動的鄭秀文則留言大讚黎姿「Fit到爆炸」。