【下周五網上音樂會】陳志雲暗窒香港歌手唔肯做免費騷 王喜變身「男版文詠珊」落力宣傳

歌神許冠傑日前開網上音樂會，吸引超過200萬人次欣賞。繼Sam之後，陳志雲亦宣布將在4月24日（星期五）晚上9時，於YouTube舉行「我不是歌手演唱會」，孖老友王喜又唱又跳。身為「超齡樂壇新人」的陳志雲，搞笑指自己有「賣點」給觀眾欣賞：「到時等我哋香港人有得笑吓。」

(來源：「志雲頻道 stephenchannel」截圖)

(來源：「志雲頻道 stephenchannel」截圖)

(來源：「志雲頻道 stephenchannel」截圖)

陳志雲正式打入KOL界，在YouTube開設「志雲頻道 stephenchannel」，昨晚上載短片，正式宣布在YouTube開音樂會。短片中，陳志雲接受梁泰來訪問，更被對方指是「超齡樂壇新人」，志雲搞笑說：「其實我每晚沖涼都會搞演唱會，你（梁泰來）梗係無聽過，你聽過就大件事！」

(來源：「志雲頻道 stephenchannel」截圖)

(來源：「志雲頻道 stephenchannel」截圖)

志雲指在新冠肺炎疫情下，人人留家避疫，他不明白大多香港歌手為何不舉行免費騷給港人欣賞：「唔知啲香港歌手係咪驚做完免費騷之後，就冇人買佢哋啲飛呢？我希望拋磚引玉，之後天王天后晚晚開免費騷！」他自誇演唱會有兩大賣點最好睇：「我唔係歌手，有咩好睇？咪睇下我邊度甩拍，同埋邊度走音！」話雖如此，不過其實不少歌手都有搞直播，如容祖兒、何韻詩、王馨平等等都先後有開LIVE直播音樂會，可能志雲錯過咗唔太知道。

(來源：王喜Facebook)

今次是王喜主動找志雲合作開騷，志雲說：「王喜想藉今次演唱會令觀眾課金，佢想搵錢！王喜出過三隻碟，觀眾對佢有期望，但佢三隻碟真係好難聽，如果我係監製唔會幫佢出第四張，所以佢咪搞成依家咁！」

志雲指其YouTube頻道要最少1,000人訂閱，才可開直播，所以呼籲大家訂閱：「（頻道）有好多嘢睇，主要同啲年青人互動，製作啲節目，等佢哋有得玩，又等我哋香港人有得笑吓。」不過昨日下午，志雲的YouTube頻道已有超過3,400人訂閱，到時可順利開騷。

(來源：「志雲頻道 stephenchannel」截圖)

(來源：「志雲頻道 stephenchannel」截圖)

(來源：「志雲頻道 stephenchannel」截圖)

王喜化身「男版文詠珊」拍片宣傳，他ABC式中英夾雜說：「Well actually，我哋音樂理念好相近，我去New York stay咗兩個禮拜，learn咗啲新嘅music同dancing！大家見到陳生跳舞應該會行開，我跳舞會叻啲。」他自爆不開實體騷，並非因場地關閉：「我哋係驚無人嚟！所以用個update嘅方法，you know就係technology！」

「志雲頻道 stephenchannel」：https://www.youtube.com/channel/UC16vXVRfHGax4QSLXhMoNfQ

撰文：李潔盈