黛安
黛安

20新品牌及特色餐廳海港城登場

發佈時間: 2020/04/16

20新品牌及特色餐廳海港城登場

商場如戰場,黛安明白做生意要敢於創新,更需要畀客人有新鮮感,海港城喺呢方面一直做得好好,佢哋一直積極引入世界各地唔同品牌,致力喺商戶組合同概念設計方面推陳出新,最近就引入多個時尚美粧品牌同特色海景餐廳,場內亦有唔少品牌正進行搬遷擴充㖭。

海港城公關姊妹話,為咗滿足唔同顧客群嘅需求同喜好,佢哋觸目登場嘅時尚美粧品牌及特色海景餐廳共有20個,呢啲國際著名同新興人氣品牌都會以全新概念同旗艦店示人,當中8間已經營業,部分會喺4月、5月陸續開業。

黛安了解過,海港城最新引入嘅品牌真係令人充滿驚喜,例如意大利國寶級時尚珠寶Pomellato寶曼蘭朵,就係首度登陸海港城港威商場2樓,佢哋所售賣嘅珠寶,充分展現意大利彩色寶石嘅精心雕琢同奢華工藝。平時黛安去海港城除咗Shopping,亦唔少得歎美食,聽聞GāGǐNāng飯館會進駐海運大廈3樓,嗰度坐擁無敵海景,由食材配搭、賣相及做法都好精采,邊食好嘢邊歎靚海景,簡直係一流享受!

撰文: 黛安 消息特靈八卦公關
欄名: 八卦名利場