【聲明】港生活網站並無進行電話推廣活動

張景淳Man爆Po文護花 呂慧儀︰佢好好,戥我唔抵!

發佈時間: 2020/04/16

呂慧儀(長腳蟹)近日頻惹是非,昨日有報道指她欺負《愛‧回家之開心速遞》的特約演員,又指她與張景淳雙雙匿在化粧間VIP房密會三小時。昨晨男方在IG發長文為緋聞女友反擊,兩人昨午在電視城現身回應,長腳蟹大讚對方好好人,惟對於種種傳聞,她無奈指︰「疫情下大家都想有娛樂!」不少網友力撑兩人不用理會閒言閒語。

昨日有報道聲稱,有知情人士爆料指呂慧儀常欺負《開心速遞》的特約演員,以及在化粧間的VIP房與張景淳密會。張景淳昨晨在IG發長文代好友澄清,強烈否認二人密會,並上載電話影片存檔證清白。長腳蟹亦有留言感謝好友。

昨午,兩位主角雙雙在電視城回應傳聞。對於被指匿在VIP房,張景淳不諱言劇中一班演員如周嘉諾等也會互相幫手拍片,但這次見到報章標題,他認為必須澄清︰「平時會當得啖笑,今次講我哋係VIP房,就算真正夫妻係入面三個鐘都要澄清。我哋只係拍工作片,下次會小心,唔關門,大大聲講!」

提到Man爆護花,他回應︰「我唔係挺身而出,只係有啲嘢必須澄清。自己有委屈無講出嚟,做人會唔開心!」身旁的長腳蟹亦忍不住稱讚他︰「多謝你,我不嬲睇完呢啲新聞都唔出聲,做娛樂圈咁多年都知道好多人鍾意食花生,佢(張景淳)好好,會戥我唔抵,好多錫我嘅人都係。見到標題會有唔開心,但我凡事向好處諗,明白疫情下大家都想有啲娛樂!」

大聲教演戲惹誤會

另外,對於被指欺負劇中小角色,長腳蟹直認平日在錄影廠會大聲講嘢︰「我諗拍攝團隊會明白,我以後盡量大聲地溫柔!」張景淳亦撑拍檔大聲無罪︰「錄影廠好多業餘嘅特約演員,好似陳師奶(孫慧蓮),佢哋真係師奶,都演得好睇,劇情都有好多對白畀佢哋,佢哋有時唔知點樣演,好似豹哥(單立文)、阿蟹都會教佢哋,可能有人路過見到有錯覺!」長腳蟹強調每日通告多,只希望盡量拍好套劇︰「我哋會互相提點。以後會細聲啲,為免唔熟嘅人誤會,自己會學精啲!」

至於網友,都認為謠言止於智者;叮囑這對緋聞情侶繼續演好戲。

撰文︰Steven

攝影(部分)︰林良明

編輯︰黃寶恩

美術︰梁政敏

採訪:Pauline

張景淳Man爆Po文護花 呂慧儀︰佢好好,戥我唔抵!

呂慧儀承認一向說話大聲,以後會盡量取得平衡。

張景淳Man爆Po文護花 呂慧儀︰佢好好,戥我唔抵!

張景淳在IG上載手機中為呂慧儀拍洗手短片的「證據」,反擊花生友。(IG圖片)