【30歲農曆生日】聽媽咪話儲錢娶老婆 吳業坤：最近識咗啲日本女仔

本周六（18日）是吳業坤的30歲生日，昨日他已率先在家中為自己慶祝農曆生日。吳業坤在其社交網貼上載自己歎日本菜慶生的相片，又上載跟媽咪的合照，有網民留言稱吳媽媽的笑容暗示想飲新抱茶，吳媽媽亦回覆對方：「都想㗎！」吳業坤接受《晴報》訪問，對於何時達成媽咪的心願？他表示：「我未有心上人喎，我要再擴闊吓自己朋友圈子先。」

{{hket:inline-image name="2.jpg"}}{{/hket:inline-image}}

（圖：吳業坤IG）

{{hket:inline-image name="92912064_1134669933553888_2424884794283130811_n.jpg"}}{{/hket:inline-image}}

（圖：吳業坤IG）

相關新聞：新劇合演兩母子 坤哥口花花撩娥姐

吳業坤在社交網上載多張慶生相片，選擇食日本菜到會的他，枱上放滿多款魚生和壽司美食，他還留言表示：「今日坤爺三十歲農曆生日同天后誕，唔食番餐東洋嘢點得呢，希望大家年年有今日，身體健康、長命百歲、百無禁忌。」不少網民都留言祝賀壽星仔，其中有名網民就留言：「吳業坤媽媽個笑容暗示想飲新抱茶喎，祝你快啲成家立室，唔好再做冇腳嘅雀仔」難得的是，吳媽媽亦有回覆對方：「都想㗎！」吳媽媽恨飲新抱茶恨到出面。

{{hket:inline-image name="92827732_272193097280852_3517587992332521152_n.jpg"}}{{/hket:inline-image}}

（圖：吳業坤IG）

對於選擇慶祝農曆生日，吳業坤接受本報電話訪問時，透露媽咪是個傳統的人，過往都一直想跟他慶祝農曆生日，他說：「咁啱今年唔使開工，所以就特登陪吓屋企人。媽咪每年都有封利市畀我，不過我都冇拆到，儲晒喺到。」對於何時達成媽咪想飲新抱茶的心願？吳業坤表示：「我諗佢講笑啫，媽咪成日同我講，叫我搵多啲錢先，佢想我有穩定嘅事業先諗娶老婆。」

{{hket:inline-image name="1.jpg"}}{{/hket:inline-image}}

（圖：吳岱融微博）

至於現時可有心上人？吳業坤直言未有：「我要再擴闊自己嘅生活圈子先，最近喺東京同關西都識咗啲日本朋友仔，佢哋話會介紹當地嘅女仔畀我識，依家都識咗一、兩個。（進展如何？）都係普通朋友，疫情關係都冇得飛過去探佢哋，我有學日文，可以做住筆友先。」坤哥坦言接受與任何國籍的女生交往，媽咪亦持開放態度，只要他開心便可以。

撰文：倪小珊