暖爸古巨基曬B不忘行善

古巨基（基仔）上月15日忽然宣布已榮升爸爸，原來他太太Lorraine去年底誕下兒子Kuson。這位47歲新手爸爸昨午在社交網Po片，大曬約四個月大的囝囝萌樣呃Like，順道宣揚防疫信息。他留言︰「我問小Kuson有甚麼想我代佢同大家講？我話如果我講中佢諗嘅，就用『笑』嚟示意啦，於是我就話︰『洗手洗手洗手，記得洗手！』佢立即笑到四萬咁口（不過無牙又點四萬呢？）所以小Kuson都提醒大家，記得勤洗手！」

此外，基仔宣布已撲到大量口罩助基層︰「古巨基醫療基金訂購了20萬個本地生產口罩，將會稍後收到，收到後會盡快分批由義工團體送贈到老人家、低收入家庭及殘障人士等有需要的人士手上，大家繼續做好防疫措施，不要鬆懈，期待疫情盡快結束！」