【聲明】港生活網站並無進行電話推廣活動

拍劇主持雙綫發展 黃美棋把握機會煮自家餸

發佈時間: 2020/04/17

黃美棋(美棋BB)擔任《流行都市》主持,經常趁機向星級名廚偷師,在疫情之下,她最近多了時間在家中親自下廚,相信男友鍾健威非常有口福。而她在將軍澳開設食店,坦言現時要靠外賣生意幫補營業額。

美棋BB經常在個人社交網站分享美食,她表示︰「最近盡可能都由自己煮,出街食唔到咁多餐,雖然有時都會貪方便買外賣返屋企,但親自下廚都有樂趣,加上自己買食材就會清楚食物嘅產地、日期,依家真係留意多咗食物標籤,例如有啲食物可以有助抗菌,甚至會留意雞翼或者豬肉有無激素。依家通常去一次街市或者超級市場,就會買齊一個禮拜嘅食材,特別會補充多啲水果同蔬菜,以達致均衡飲食。」

經營餐廳一周年

去年在將軍澳開設的餐廳,日前剛好開業一周年。問她的餐廳可有受疫情影響生意?美棋表示自從實施人流管制後,實施第一日曾親自到店舖視察,堂食顧客比平日減少了,她說︰「生意少咗大約三成,不過外賣方面就較之前上升一至兩成,目前仍可以收支平衡,暫時餐廳都仲守得住,無裁員壓力。」

黃美棋、糖妹及鄺潔楹一齊主持《香港美食一條街》,曾到訪多間餐廳食肆,但因為疫情關係,很多店舖都捱不住而結業,美棋說︰「喺街見到曾經光顧嘅食肆,有部分已結業,睇到心都實埋,身邊有啲朋友亦因為捱唔到貴租,試過要搵人頂租,我睇到都好唔開心。」美琪BB希望疫情盡快過去,令飲食業回復昔日美好時光。

採訪:Pauline

編輯:陳禮恒

美術:梁政敏

拍劇主持雙綫發展 黃美棋把握機會煮自家餸

滕麗名、朱咪咪及黃美棋在拍攝中新劇《陀槍師姐2020》三代同堂。(IG圖片)

拍劇主持雙綫發展 黃美棋把握機會煮自家餸

美棋BB喜歡入廚,煮龍蝦、煎羊架都難不到她。(受訪者提供)