已故TVB資深體育主播伍晃榮綽號「阿盲」,以鬼馬方式報道足球新聞,開創先河,深受觀眾歡迎。2008年4月17日,伍晃榮因白血病感染肺炎引至器官衰竭,在瑪嘉烈醫院病逝,終年67歲,消息引起極大回響,好多觀眾都覺得婉惜。今日,伍晃榮已經離開大家12年,讓我們一同回顧他的新聞之路。
(TVB電視截圖)
▼2008年伍晃榮逝世的新聞
(TVB電視截圖)
伍晃榮於澳門出世,9歲來香港,60年代起投入傳媒行業,做過英文虎報、商業電台、麗的電視、TVB,也是珠海大學新聞系講師。從事新聞工作40多年,伍晃榮說話風趣幽默,但是對新聞制作很認真,不但告誡新一代新聞主播不能做讀稿機器,要理解新聞含義,對自己都好高要求。他曾經被囝囝揶揄一日只是做3分半鐘體育新聞,他更正:「我一日返10個鐘,但會將最精彩嘅3分鐘畀你睇!」
(TVB電視截圖)
{{hket:inline-image name="21.jpg"}}{{/hket:inline-image}}
(TVB電視截圖)
(TVB電視截圖)
為報道新聞,伍晃榮曾身陷險境,有次開講座自爆於70年代在球場附近設立臨時電台,用天線將直播訊號傳遞返港,但直播後被澳門警方以設立「非法電台」罪名駒逐出境。另一次據報道所述也是發生於70年代,他於機場採訪時與外籍督察衝突,身受輕傷,被警方以「阻差辦公」罪名拘捕,幸而其後平息事件。
一眾同伍晃榮工作過的後輩都很敬佩他,如徒弟伍家謙說:「希望大家都記得,香港曾經有位非常出色嘅體育新聞從業員,佢為我們帶來過無數歡樂和回憶。」足球評述員李德能也讚他健談、無架子:「伍晃榮風格獨特,可以話係一代宗師,我都有偷師,到依家仍未有人可以代替佢。」
(伍家謙facebook圖片)
對不少歡眾來說,伍晃榮的講波金句真是啜核又經典,當年每逢世界盃或大型足球賽事,他都經常夥拍阿叔林尚義講波:
(TVB電視截圖)
「通常烏龍波,都係靚波。」
「幾時都話,波係圓嘅⋯」
「有乜嘢好過入一球?咪就係入兩球囉」
「佢地輸嘅唔係實力,而係少少運氣。」
「守門員最好嘅朋友就係門柱。」
「救到呢個世界波嘅,唔係龍門,而係條柱。」
「你咁都值幾千萬呀?」
「嗱!世界級球員呀!」
「重覆一句,皇馬好波嘅時侯真係好好波㗎。」
(TVB電視截圖)
「朗拿度好波嘅時侯真係好好波㗎。」
「有乜嘢比送一個大禮好?就係送多一個大禮。」
「有一次亦都可以有第2次,可惜一加一等於2,便唔係足球喇。」
「騎馬打波好難,騎象打波更難,騎駱駝打波難上加難。」
(TVB電視截圖)
「千祈唔好以為呢場波好緊張,係我講得緊張咋!」
撰文:張芷晴
責任編輯:楊安莉