彭懷安娶老婆快靚正

42歲前EO2成員彭懷安（Eddie），前日與拍拖一年、從事保險業的圈外女友鄭佩儀（Ivy）拉埋天窗，新郎哥昨日向本報分享喜悅心情，透露他們在19名親友見證下結為夫婦，場面簡單又溫馨。

在新冠肺炎疫情下，一對新人如期舉行婚禮，但沒有接新娘環節，Eddie西裝骨骨，與穿上Tube Dress的新娘子前日進行簡單註冊簽字儀式，甜蜜幸福。Eddie前晚在網上曬婚照，並留言︰「簡單、莊嚴，並帶着快樂的心情，與妳正式踏入人生另一階段，我愛妳。」又Hashtag加入人夫行列的心聲︰「#點解簡單儀式都咁攰 #疫情關係只能招待親人#擺酒嗰日早啲到」。

Eddie接受本報訪問時，解釋婚戒一早刻上4月18日，為免變得失去意義，所以如期舉行婚禮，他笑謂︰「我有講愛的宣言，不過都係電視睇到嗰啲，會照顧你一生一世。婚後最大轉變就係左手無名指多咗隻戒指，亦代表多咗份責任。」Eddie婚後仍要為新劇《一笑渡凡間》開工，打算待疫情過後跟太太到陽光與海灘的地方度蜜月。

撰文︰倪小珊

編輯︰陳禮恒

美術︰梁政敏