【新冠肺炎焦慮】李連杰細女美國隔離抑鬱症復發「我以為自己已經放低咗」

56歲國際功夫影星李連杰同老婆利智育有2女，剛滿20歲的大女兒Jane係哈佛大學高才生，17歲細女Jada則於美國就讀菲利普斯學院（Phillips Academy）。兩位已經長得亭亭玉立嘅千金近年經常同父親出席公開場合，不過看似完美嘅背後，Jada曾經有一段長時間受情緒病困擾，近期更加復發，病情唔輕。

{{hket:inline-image name="75540337_1016792375353887_2941427311931463604_n.jpg"}}{{/hket:inline-image}}

（Jada IG）

新冠肺炎疫情喺全球嚴峻，美國今日因染疫而死亡嘅人數更突破4萬人。華府呼籲國民避免不必要外遊、到酒吧或餐廳，以及不要參加超過10個人嘅聚會。身處喺美國嘅Jada亦留家隔離抗疫。雖然避開咗新冠肺炎病毒，但估唔到迎嚟佢嘅老毛病抑鬱症。

{{hket:inline-image name="69828205_2168908263411955_2902921495726600065_n.jpg"}}{{/hket:inline-image}}

（Jada IG）

Jada平日喺社交網站Post嘅帖文都好陽光，但日前佢喺IG突然Post自拍照發文自爆曾罹患憂鬱症和焦慮症：「在近日的隔離對我的心理健康造成了損害，我曾有一段長時間的抑鬱及焦慮，原本我以為自己已經放下，但近日我再度經歷嚴重復發。」幸好佢已及時尋求專業幫助。不過佢就想藉自己嘅社交平台畀經歷緊相同痛苦嘅人知道，佢哋並不孤單，佢仲鼓勵大家多關心身邊嘅朋友，同佢哋一齊渡過難關。Jada另外標記咗好多美國支援情緒輔導嘅機構畀網友參考，分分鐘救番唔少絕望嘅人！

{{hket:inline-image name="83368524_3286229034726847_4710931296290684811_n.jpg"}}{{/hket:inline-image}}

（Jada IG）

情緒病係好普遍嘅都市病，唔少藝人都受到情緒病困擾。

張繼聰同太太謝安琪就曾經雙雙患上精神病。當年同謝安琪一齊喺樂壇發展，但發展卻不及太太。曾經喺頒獎禮上太太得獎，張繼聰好戥老婆開心之餘亦好驚好怕，好擔心食白果唔知又會畀人點嘲笑，壓力非常大。同時台上嘅謝安琪成晚雖然得到好多個獎，其實當時佢都承受好大壓力，因為純粹因愛唱歌而入行嘅佢但屢受整容傳聞、走音等負面新聞困擾亦壓力爆煲。

{{hket:inline-image name="TUNGSTAR5920112.jpg"}}{{/hket:inline-image}}

 依家一家4口好幸福～（東星娛樂）

最後因為囝囝出世，夫婦二人嘅注意力放喺個仔身上，小朋友嘅成長同單純都感染咗佢哋，為佢哋帶嚟曙光。。

{{hket:inline-image name="TUNGSTAR143801.jpg"}}{{/hket:inline-image}}

周慧敏（東星娛樂）

周慧敏亦曾接受訪問，承認因為患焦慮症曾一度退出樂壇休息。太長時間面對排山倒海嘅工作同宣傳，周慧敏慨嘆當時賺嘅錢都冇時間使，再次感到迷失：「每日就好像機器般，我都不知道是為乜，我已經感覺不到作為歌手呢種夢想實現嘅享受，我其實需要再吸收養分，要停低先可以前進。」

撰文：黃蘊姿