梁浸浸5歲生日 鄭希怡送層層疊

鄭希怡（Yumiko）女兒梁子柔（梁浸浸）早前五歲生日，但受疫情影響，壽星女只能在家中慶祝。昨日Yumiko在梁浸浸的社交網上載慶生相，留言說︰「在一個非常時期，度過五歲生日，雖然沒有朋友仔一齊慶祝，但愛妳的人，都用了一個獨特的方式去錫妳。媽咪第一次整的蛋糕，賣相很差，但味道不差吧？」

相中所見，梁浸浸的星級契爺梁漢文、三位契媽容祖兒、鍾欣潼及蔡卓妍，還有蘇永康、徐濠縈及劉浩龍等，以視像隔空與梁浸浸舉行「生日派對」，場面熱鬧。Yumiko昨日接受《晴報》電話訪問說︰「大家年年都同梁浸浸慶祝，今年一齊視像唱生日歌畀佢聽，梁浸浸都好開心。我整咗朱古力蛋糕畀浸浸，又送咗『層層疊』畀佢，係佢自己要求嘅禮物。」