【枕頭挑戰】林盛斌拎囝囝枕頭遮下身想上潮流雜誌 Bob原味奉還：應該聞唔到有味

新冠肺炎疫情持續，隨著政府宣布延長限聚令及停業令，為了宅在家都能苦中作樂，不少藝人繼續潮玩「Pillow Challenge（枕頭挑戰）」，將家中枕頭綁上身當裙著。而「扮嘢王」林盛斌（Bob）亦延續這鼓熱潮，半裸上陣的他將囝囝的迷你枕頭綁在下半身，充滿肉感又「性感」，引來網民激烈討論；Bob接受《晴報》電話訪問時笑言：「我全面清毒過先畀番阿仔用！」

相關新聞：【留家抗疫】Bob嫂拗柴跌斷韌帶要休養 林盛斌：呢期我冇得食軟飯

{{hket:inline-image name="4.jpg"}}{{/hket:inline-image}}

（Bob IG圖片）

{{hket:inline-image name="1.jpg"}}{{/hket:inline-image}}

（馮盈盈IG圖片）

其實日前已有不少女星包括馮盈盈、廖碧兒及鄧穎芝等接受枕頭挑戰，前港姐張名雅亦拍片放上社交網，大騷白滑香肩及修長美腿，睇到一班宅男心心眼。當一眾女星玩得興起之際，一向喜歡扮鬼扮馬的Bob亦玩埋一份，他昨晚在社交網轉述一段跟女兒的對話，透露女兒提議他玩Pillow Challenge，但女兒竟拿了弟弟的枕頭仔給他，在Bob上載的相片中，半裸的他只以枕頭遮住下半身重要部位，而且全身肉騰騰兼肥腩盡露，效果相當出眾，引來不少網民爆笑留言，就連視后李佳芯及關心妍都分別用笑到喊的emoji及留言大讚「so funny」，有網民就抵死表示：「點解去到咁盡」、「個枕頭唔要得喎，有味」。而Bob更將照片放在謝安琪的留言下問：「點解我上唔到潮流雜誌？」

{{hket:inline-image name="91196517_3184523224912586_8788132137116106752_o.jpg"}}{{/hket:inline-image}}

（Bob IG圖片）

{{hket:inline-image name="74787787_2850792644952314_2403724665349472256_o.jpg"}}{{/hket:inline-image}}

（Bob IG圖片）

Bob接受本報訪問時，對於引起網民的熱烈討論表示：「其實係我啲女喺網上睇到好多人玩Pillow Challenge，特別係外國好多人玩，咁佢哋話爸爸你都玩吓啦，佢哋攞咗個枕頭比我，原來係阿仔個枕頭，我咪影張相出來搞吓笑，見到好多朋友仔留言話好搞笑，最緊要大家睇得開心。」不少網民都關心囝囝的枕頭事後如何處置？Bob搞笑謂：「個枕頭梗係畀番阿仔用啦，放心啦，我係完全消毒過晒先畀佢用，應該聞唔到有咩味。」他又指平時都習慣將生活中有趣及搞笑的相片放上網與網民分享，而近日因疫情關係多了時間留在家中，所以拍多了照片開心share，他稱：「如果有興趣追蹤住我嘅，希望繼續喺社交平台關注我，我會keep住po啲得意嘢上社交平台。」

{{hket:inline-image name="78420989_2937463679618543_719324674672033792_o.jpg"}}{{/hket:inline-image}}

（Bob IG圖片）

{{hket:inline-image name="93245939_3245965122101729_860758763773100032_o.jpg"}}{{/hket:inline-image}}

（Bob IG圖片）

事實上，Bob過往亦不時將自己的趣怪造型放上社交網，例如模仿周星馳電影《功夫》的包租婆、為黎明歌迷會聚會擔任司儀時就以黑魔后造型示人、主持遊戲節目《你估我唔到》則戴上假髮扮紳士等等，百變形象獲得不少網民點讚。

撰文：倪小珊