【聲明】港生活網站並無進行電話推廣活動

太太碌落樓梯 輪椅代步 林盛斌係「罪魁禍首」

發佈時間: 2020/04/23

林盛斌(Bob)太太Pearl日前在家中落樓梯叉錯腳致韌帶斷裂,不過她前晚仍坐輪椅陪老公錄影《流行經典50年》。原來Pearl心急開門給Bob才受傷,不過Bob卻取笑太太竟不是關心傷勢,而是懷疑時辰唔夾導致意外。

林盛斌一家六口前晚現身電視城,錄影《流行經典50年》母親節特輯,主持薛家燕亦獲仔女到場支持。Bob太太坐輪椅現身,由大女霏霏負責推輪椅,一家人更齊齊穿上牛仔褸家庭裝。

Bob透露小朋友很喜歡組合農夫,所以一家人會唱農夫的歌曲《456Wing》。他笑說:「我早兩個星期見到農夫都有同佢哋講,佢哋聽到都『吓』一聲,話母親節唱呢啲。不過其他嘉賓唱啲溫情歌,咁我哋就搞笑下。」大家姐霏霏負責唱rap,她表示農夫的歌曲較易唱,事前練習了幾天,又與弟妹夾歌,她讚大家都唱得好。

母親節留屋企慶祝

「Bob嫂」Pearl日前在家中受傷,Bob指着太太的右腳說:「母親節無咩表示,你睇咁樣可以去邊?我諗都係留喺屋企慶祝。」提到受傷經過,Pearl表示當時聽到老公和朋友回家,因太心急去開門,所以落樓梯時叉錯腳:「我當時仲諗咁奇怪邊度『啪』一聲,後來有知覺時就好痛,第二朝睇醫生照X光,要8至12個星期先好番,依家個『鐵甲威龍』(腳箍)都要用兩、三星期先可以拆。」

問Bob原來是「罪魁禍首」?他說:「意外嘅嘢估唔到,最好笑係老婆受傷之後,第一時間竟然去睇係咪個時辰八字唔夾先有意外!」Pearl表示小朋友很愛惜她,問老公有何表示?Pearl說:「佢唔嘈我已經係錫我。」

採訪︰Pauline

攝影︰林良明

編輯:李潔盈

美術:梁政敏

太太碌落樓梯 輪椅代步 林盛斌係「罪魁禍首」

林盛斌與仔女識做地親吻Bob嫂。

太太碌落樓梯 輪椅代步 林盛斌係「罪魁禍首」

薛家燕獲仔女撑場,甜在心頭。