【聲明】港生活網站並無進行電話推廣活動

隔空炮製「400次咖啡」 鄧佩儀王梓軒互爆情史

發佈時間: 2020/04/27

劇集《機場特警》本周踏入結局篇,齋Sir(王梓軒飾演)和阿銀(鄧佩儀飾)的感情亦已有突破性發展,上周鄧佩儀(Gloria)向王梓軒哭訴遭到逼婚及表白感情的一場爆喊戲,被網民激讚好戲,而梓軒安慰她的時候,亦被大讚暖男!日前,身在洛杉磯的梓軒相約熒幕好拍檔Gloria做IG Live,更玩隔空炮製「400次咖啡」兼大談情史。

直播中,梓軒直言喜歡獨立自主的女性,跟劇中的阿銀有幾分相似。兩人又講到,過往各自有不少刻骨銘心的情史,梓軒曾經寫情信向女仔示愛,他說︰「我好鍾意文字,好鍾意創作,我係有寫過情信!試過飛紙仔,亦試過摺埋咗張紙叫啲同學傳過去。」而Gloria當年喺外國讀書,因為所有學生都用locker,所以沒有人會寫情信,不過就記得情人節好特別,Gloria回想︰「大學嘅時候,每到情人節,學校有幾個學生搞event,如果你想secretly送朵花同note畀你鍾意嘅人,但你又唔想畀佢知,你畀錢呢一班人,佢哋就會送去個嗰課室。我每年都好期待有男仔送(嘢畀我),但一次都無收過,反而我有secretly買嘢畀我暗戀嘅同學,but我無寫係我(送的)。」

Gloris又指︰「記得有一年送禮物,屋企無晒花紙,我就用咗錫紙,包完拎咗份禮物去佢(男友)屋企交換禮物,佢收到時喺度笑,變成好sweet囉!以後每個周年我哋都用錫紙包禮物。」她更自認是個「珍珠奶茶怪」,笑言若想追她的話,一杯珍珠奶茶都有機會打動她的芳心。

撰文:Pauline

編輯:黃寶恩

美術:梁政敏

隔空炮製「400次咖啡」 鄧佩儀王梓軒互爆情史

王梓軒和鄧佩儀隔空炮製「400次咖啡」,更邊飲邊分享情史。

隔空炮製「400次咖啡」 鄧佩儀王梓軒互爆情史

《機場特警》中,鄧佩儀被父親逼婚,向王梓軒哭訴,兩人互相表白後,終於走在一起。(電視截圖)