【天若有情】袁鳳瑛轉行信錯人被黑社會恐嚇 患抑鬱想自殺幸得一人伸出援手

憑一曲《天若有情》而廣被認識的歌手袁鳳瑛近日接受新城電台節目《詩情廿四味》訪問，她直認自己過往的星途並未順利，更被形容為「古墓派掌門人」，她說：「我唔食煙、唔飲酒、唔講粗口、唔埋堆又唔趁墟，唔太鍾意吃喝玩樂，加上自己食素，好多飯局都難以參與。」她笑言當年被召喚不收分文獻唱《天若有情》，沒想到紅起來，後來獲羅大佑賞識簽約唱片公司，先後推出三個專輯，不過被羅大佑責罵她不會交際應酬，更發火掟煙灰缸。

相關新聞：袁鳳瑛受力捧後突然消失退隱 父母盲婚啞嫁仇恨致童年傷痛

{{hket:inline-image name="IMG_3450.JPG"}}{{/hket:inline-image}}

(圖片：大會提供)

{{hket:inline-image name="IMG_3480.JPG"}}{{/hket:inline-image}}

(圖片：大會提供)

袁鳳瑛深明自己不是不適合做歌手，於是離職開音樂教室，沒想到遇人不淑，與拍檔合作出現分歧，而對方有黑社會背景，不斷找人來對她作出恐嚇，揚言要向她淋漒水。後來，袁鳳瑛另起爐灶再開教室，該拍檔又找人去搗亂，破壞所有設備，學生家長都嚇到退學，開業短短幾個月就被迫關門大吉。袁鳳瑛表示自己2歲開始已經可以睇到人的前世今生，就算天上的天使、地獄的眾生都睇得到、感受到、聞到、聽到，她說：「其實好多天使在人間，同普通人一樣，只係形應同人有少少唔同。我知大家唔係第一身經歷，一定會好難明白，但呢個對我而言係好清晰，好真實，好多情況你係估都估唔到，就算睇好多劇集都演唔出千份之一。」

她看過自己跟這個拍檔幾世都有恩怨，始終命數難逃，她說：「呢個關口都幾重大，當時心情好低落，當時被黑社會不停騷擾，拍檔扮家長打電話上報館指我信邪教，又搵古惑仔去恐嚇我，我屋企成棟大廈都收到大字報，當時報警，警察唔受理，特別我係藝人，總係建議糾紛叫我哋自己解決。我當時真係想自殺，因為發現世界上連警察都幫唔到嘅時候，我覺得自己活喺地獄。幸好我信佛最後冇去自己，但抑鬱症發作，兩星期唔落床、唔刷牙唔洗臉，不過好神奇，以往我同哥哥關係不是太好，大家分開住，但有日佢突然搵我，決定扶我落街面對人群，鼓勵我重新做人。」

相關新聞：【移民新加坡有5大法】 倪詩蓓為仔曾移居新加坡 獨力養大嚴重自閉兒傷痕纍纍

{{hket:inline-image name="10020.jpg"}}{{/hket:inline-image}}

（圖片：網上圖片）

{{hket:inline-image name="unnamed.jpg"}}{{/hket:inline-image}}

（圖片：網上圖片）

{{hket:inline-image name="b35871779ab880faf72e658ab6b8d035_tplv-crop-center_844_472.jpg"}}{{/hket:inline-image}}

（圖片：網上圖片）

{{hket:inline-image name="054101015E7339DF0F954C9A3B52547C.jpg"}}{{/hket:inline-image}}

袁鳳瑛承認自己星途不順。（圖片：網上圖片）

{{hket:inline-image name="bc0832aa13ad523f051bc7507f3f6f992fa566d9.jpg"}}{{/hket:inline-image}}

《天若有情》主題曲爆紅，當年的袁鳳瑛竟然完全不知道。(圖片：網上圖片)

袁鳳瑛表示自己來自破碎家庭，中學時父母離異就自奔東西，自己跟哥哥和弟弟都分開生活，她靠自己去工聯會學唱歌，去酒廊唱歌養自己。她表示：「我好多謝我哥哥，如果唔係佢，否則都幾大件事，我份人好感性又衝動，好大機會過唔到嗰一關，阿哥扶返起我之後，後來一齊住又遇上沙士，大家唔使返工，悶到傾偈破冰，先知佢一直好在乎我哋，但唔知點表達，佢覺得有責任照顧弟妹。後來因事我哋又要分開住，搬屋時我係最後一個離開間屋，攬住個牆爆喊，問點解咁遲先修補個關係？藝人轉行係好辛苦，一定係被人話撈唔到呃飯食，咁耐以來都多謝哥哥不定時對我伸出援手。」

{{hket:inline-image name="IMG_3472.JPG"}}{{/hket:inline-image}}

(圖片：大會提供)

{{hket:inline-image name="IMG_3483.JPG"}}{{/hket:inline-image}}

(圖片：大會提供)

責任編輯：楊安莉