【空氣污染指數嚴重】受哮喘困擾藝人有錢都醫唔好 謝霆鋒曾氣管收窄靠製氧機保命

昨日環保署上午起錄得空氣污染水平持續上升，預測稍後時間部分一般及路邊空氣監測站，空氣質素健康指數可能達至「嚴重」水平。環保署預計，本周空氣污染仍會維持較高水平，提醒兒童、長者及心臟病或呼吸系統疾病患者，盡量減少或避免體力消耗及戶外活動。

罹患呼吸系統疾病喺香港並唔罕見，其中哮喘病就困擾40萬港人。患者雖然按時服用醫生處方嘅藥物同加以適當嘅護理就可以控制病情，但至今仍未有能完全根治哮喘嘅藥物，唔少藝人有錢都斷唔到尾，甚至因為咁樣而喪命。

相關新聞：【絕世好爸】黎諾懿與太太患哮喘怕遺傳囝囝 靠廚藝搞生意拒掛駙馬之名

楊千嬅

楊千嬅於電影《志明與春嬌》中有大量吸煙鏡頭，本身唔係煙民嘅千嬅豁出去煙駁煙，更試過一日勁扯三包煙，搞到氣管炎同哮喘發作，一星期要睇三次醫生：「我睇醫生嘅錢都要過萬，真係好……好辛苦。」上年為拍攝巡演中播映嘅外景片段，上山下海，七日行程每天工作12小時，最終捱到高燒兩日兼哮喘發作。

{{hket:inline-image name="5PZNZuQQi8EdpnPd2Lc_i8KWy3DihVh3hglYC4YJWAs.jpg"}}{{/hket:inline-image}}

（《志明與春嬌》電影截圖）

余文樂

2006年余文樂透露拍《龍虎門》時曾哮喘病發，幸得謝霆鋒救佢一命：「有一次零下四度要着件背心瞓喺地下，雖然有件褸冚住，但都好凍，我瞓咗成半個鐘，搞到哮喘病發，我又冇藥喺身，好彩霆鋒畀咗杯咖啡我飲至冇事，佢係我救命恩人。」本身自己都有哮喘嘅霆鋒表示知道咖啡因有紓緩氣管作用，不過亦有醫生指出辛辣、油膩食物、酒精、咖啡等飲料哮喘病患應盡量避免，所以大家有任何疑惑都應向自己嘅家庭醫生查詢。

{{hket:inline-image name="72c91def9305d66d8f9a9e0c7f9b782a.jpg"}}{{/hket:inline-image}}

（東星娛樂）

謝霆鋒

謝霆鋒2011年頻撲飛北京拍戲導致哮喘復發，更一度出現呼吸困難，要急召醫生到酒店會診。霍汶希當時表示霆鋒情況好嚴重，因為氣管收窄，呼吸唔到，更按醫生指示喺當地急買製氧機，吸完之後情況先稍為好轉。

當年霆鋒哮喘病嚴重，為安全起見，製氧機和哮喘藥都不能離身，如果要開工拍劇，就要抬埋製氧機放車內，隨時叉電以備急救需要，以防萬一。不過舊年霆鋒開始養貓，哮喘病人動物毛髮非常敏感，相信霆鋒近年病情受控。

{{hket:inline-image name="49d986d6601566472de51a72564f8e7c.jpg"}}{{/hket:inline-image}}

（東星娛樂）

謝安琪

謝安琪2013年因為工作太忙，經常穿梭中港演出，冇乜休息時間嘅情況下令哮喘病發更影響聲帶。今年年頭謝安琪再次因哮喘發作聲音沙，表演時更出現「唱唔到」情況，不過老闆Juno聲沙都要佢錄歌，笑言病嘅聲沙可以成為經典。

{{hket:inline-image name="c94e459392435f988ec51780088eed0c.jpg"}}{{/hket:inline-image}}

（東星娛樂）

鄧麗君

1995年5月8日，鄧麗君於泰國清邁身亡，終年42歲。鄧麗君三哥鄧長富指妹妹係喺清邁一間酒店哮喘發作，救護車將佢送院途中，因塞車延誤搶救而反魂乏術。

{{hket:inline-image name="hqdefau.jpg"}}{{/hket:inline-image}}

（網上圖片）

柯受良

有亞洲飛人之稱，綽號「小黑」嘅柯受良2003年12月9日於中國上海因因酒後引發哮喘惡化而病逝，終年50歲。

{{hket:inline-image name="0.jpg"}}{{/hket:inline-image}}

（網上圖片）

撰文：黃蘊姿