【最得寵星女郎】周星馳畀邊個冧掂隔空撒嬌? 與黃聖依𢱑爛面張雨綺對簿公堂

憑周星馳電影《美人魚》而爆紅嘅林允，喺最新一集嘅內地綜藝節目《我家那閨女2》去到花店打工，工作期間，林允突然致電周星馳，而向來予人感覺Cool爆嘅周星馳同林允嘅可愛互動令觀眾喜出望外。

{{hket:inline-image name="OiKoMRumxkkEIVowLgWJagMQYn4wc5KxXzloI185aCM.jpg"}}{{/hket:inline-image}}

（《我家那閨女2》截圖）

在周星馳接通電話一刻，林允即稱呼對方為「老闆」，星爺嗰邊電話即時傳嚟熟悉嘅笑聲。林允話要慰問一下星爺，但就被對方撒嬌埋怨：「早就應該慰問我。」林允即解釋受疫情影響，未能前往香港探望，星爺反駁：「沒叫你過來，你可以打電話慰問。」林允反問：「我怎麼知道你想要被慰問呀！」星爺即以肯定語氣表示：「當然想要被慰問！」兩位主持人都好驚訝見到星爺嘅另一面，向林允撒嬌討關心。林允則笑指以後會較定鬧鐘打電話慰問他，甚得星爺歡心。

{{hket:inline-image name="bkn-20180623000115172-0623_00862_001_11b.jpg"}}{{/hket:inline-image}}

（網上圖片）

星爺對林允非常嚴苛，但林允亦照單全收，聽聽話話。有指當年拍攝《美人魚》期間被星爺「狂操」，除被嫌棄演技唔夠好，因而怒撕劇本外，林允更為拍攝時達致良好效果，要食白灼菜減肥幾個月，加上當時在冬天拍落水戲，引致內分泌失調，四個月冇月經。

{{hket:inline-image name="9dc128d2ly1gdl7jp2cptj21f01w0u0x.jpg"}}{{/hket:inline-image}}

（林允微博）

星爺同時都好疼錫林允，上年4月林允22歲生日時，向來低調嘅星爺罕有地為佢慶祝，更齊齊切蛋糕。而早年林允更曾帶埋父母與星爺相聚，盡顯超然地位。此外，星爺對林允嘅工作亦極為上心，幾乎所有工作都要經佢審批，有傳星爺曾幫林允推咗一部迪士尼電影，原因係故事不夠精彩，最終要導演寫信說服佢，先畀林允拍攝。

{{hket:inline-image name="d3167423.jpg"}}{{/hket:inline-image}}

（《美人魚》截圖）

不過星爺向來都出名唔係人人夾到，「史上」就有兩個星女郎同佢有嫌隙。

黃聖依

黃聖依於2004年憑周星馳電影《功夫》一炮而紅，成為萬眾矚目嘅「星女郎」，但未幾她宣布單方面解約其經紀公司，最終與周星馳不歡而散。隨後她被爆下嫁身家逾十億的富商兼經理人楊子，並育有兩子，早前帶同大仔安迪亮相內地親子節目《媽媽是超人3》。楊子曾提到聖依成為圈中最有錢的女星之一，係佢經營嘅結果，更炮轟周星馳當年封殺黃聖依不人道。

{{hket:inline-image name="v2-b24c55ef531cd3ae8e16731126f3c392_b.jpg"}}{{/hket:inline-image}}

（《功夫》截圖）

張雨綺

張雨綺18歲時簽約周星馳旗下公司，成為新一代「星女郎」，2006年，年僅22歲的她在對方執導電影《長江7號》擔任女主角，曾傳她拍攝期間擅自割雙眼皮致未能連戲，令周星馳怒不可遏，差點飛她出劇組，幸好最終力保戲中女一地位，令她一炮而紅。張雨綺2008年擔正《長江七號》後爆紅，之後她加盟星爺公司，直至2010年提出解約兼對簿公堂！

{{hket:inline-image name="16664057075098750718.jpg"}}{{/hket:inline-image}}

（《長江7號》截圖）

2010年，張雨綺突然要求解約，自此同周星馳反目兼對簿公堂。但2014年故事有戲劇性發展，星爺被多位舊拍檔連番批評，張雨綺突然開腔力撐恩師，令關係冰釋前嫌。2015年，她再接拍周星馳執導電影《美人魚》，電影票房創出佳績，令佢再度翻紅。

{{hket:inline-image name="c5d82ed7c8c0104903b7027976aae566saasftp20200221.jpg"}}{{/hket:inline-image}}

（東星娛樂）

撰文：黃蘊姿