勸小豬別玩「多人運動」 薛家燕：跟我跳抗疫十字步

薛家燕前晚與林一峰錄影《流行經典50年》，近日台灣歌手羅志祥（小豬）的桃色醜聞哄動中港台，家燕姐主動不開名提起小豬，以前輩身份勸對方珍惜自己，不要沉迷「多人運動」，改為跳抗疫十字步，分散精力更好。

薛家燕前晚一見記者，便主動表示聽聞有男藝人（羅志祥）私生活有問題：「我覺得呢次事件係借鏡，藝人無論喺思維、道德觀念一定要好有原則，先會得到大家喜愛。」她指事件除了令小豬失去大批fans，在事業及金錢亦有很大損失，希望對方珍惜自己。家燕姐曾訪問小豬，對他印象不錯：「我覺得佢好有禮貌，唱歌跳舞都好好，但佢個黑眼圈好黑，我問佢係咪唔夠瞓，佢答我好忙。」有指小豬喜歡「多人運動」，她說：「佢咁好舞功，應該跟我一齊跳抗疫十字步，咁樣用（多人運動）真係無陰功。」

林一峰押後明年開騷

同場的林一峰表示因疫情關係，原定上月舉行的演唱會，要押後到明年。一峰居家抗疫時除了創作歌曲及看書，亦將自己舊作品繙譯成英文歌詞：「因外國朋友唔明歌曲嘅意思，希望譯咗出嚟做教材。」

採訪︰Pauline

攝影︰林良明

編輯：李潔盈

美術：梁政敏