袁潔瑩淡出娛樂圈多年，14年曾一度復出為TVB拍攝《女人俱樂部》，打後6年以來就再沒拍過劇。好多人都對這位短髮美女表示很不捨，不過相比起演員身份，她坦言現時主力做長者義工活動，做了很長時間，曾在長者活動唱歌、幫老人家按摩等：「有需要嘅人都會去幫。」回顧過去的演藝路，袁潔瑩有甚麼事特別難忘？
早在15歲半，袁潔瑩就於街頭被發掘繼而入行。她當時正與初戀鬧交，在街頭兇狠對望僵持，高志森、黃百鳴開著跑車經過，看中她的囂張樣子，邀請她試鏡，參演《開心鬼放暑假》。雖然首部電影就大賣，但她只抱著好玩心態，沒想過為入行放棄學業，她指這全是學校決定：「同學知道咗，影響到佢哋返學嘅情緒。我學校好嚴，準備拍第2部要同學校請假，佢叫我自動退學。真係慘，好似被人踢出校...」
(電影截圖)
袁潔瑩當時還是童工一名，但片酬加利是已有20000港元，正式加入影壇後更片約不斷，瞬間成為少男少女的偶像。她表示從影30年，最難忘是1988年的《學校風雲》，戲中她飾演由學生到無奈賣身的婉芳，不時有除衫裸露與暴力鏡頭，她說：「嗰陣出咗三級制，套戲剪咗好多，我拍嗰陣好心寒，眾目睽睽成班古惑仔叫我除衫，林嶺東（導演）講番都話殘忍。」
(電影截圖)
(電影截圖)
{{hket:inline-image name="17.jpg"}}{{/hket:inline-image}}
(電影截圖)
(電影截圖)
另一套是《喋血街頭》，她透露當年其實曾一度拒演：「一聽到話咀呀？我就講：『唔好意思，我唔拍喇！』，激到吳宇森呢...我話男朋友唔鍾意，但佢話將來做女主角，呢啲戲份無可避免。」後來，袁潔瑩再與男朋友商量，對方很大方，笑言不會如此自私，叫她放膽接拍，於是成功化解矛盾，而她的熒幕初吻也給了梁朝偉。
(電影截圖)
{{hket:inline-image name="15.jpg"}}{{/hket:inline-image}}
(電影截圖)
後來，袁潔瑩曾在1994年患上了厭食症，事業一度停滯。00年代後，她慢慢減少幕前演出，只是偶爾拍豐胸廣告，期間試過做時裝、美容生意，但失敗收場，她說：「自己唔適合做生意，可能我哋唔識計數，大家都冇經驗，傻到飛到英國、美國入貨，冇計成本，收支平衡唔到。同埋未興嘅衫已經買晒返嚟，我哋賣一條褲千幾蚊。」
如今袁潔瑩已淡出多年，她曾表示全因自己已厭倦拍戲生涯：「好辛苦，嗰時太拼博，又係化妝、埋位、拍攝...一拍就18個鐘，體力一定撐唔住。」她補充：「我冇諗過事業去到咩頂峰...我唔係咁熱愛事業，收咗人工就會同人玩。做藝人都係人，點解我成日都要做大家鍾意嘅樣？」
(有線電視截圖)
(有線電視截圖)
撰文：張芷晴
責任編輯：楊安莉