【成日畀人蝦】阿Sa貼那些年舊相出賣朋友 關智斌小鳳姐style孖煙囪搶晒鏡

新冠肺炎疫情有緩和跡象，但港人仍然不能鬆懈，繼續留守家中避疫。而圈中不少藝人雖然受疫情影響工作延期或取消，但就多了時間上網兼重溫舊照片，好像英皇娛樂歌手蔡卓妍（阿Sa）、容祖兒及關智斌（Kenny），三人不約而同上載經典舊照片及短片到社交網，其中阿Sa竟然出賣Kenny被「糟質」及穿著波點孖煙囪的相片，即引來Kenny的「大報復」。

相關新聞：【新冠肺炎】關智斌戴手帶偷走踩單車放風？ 與祖兒Twins度過最後一個隔離日

{{hket:inline-image name="102.jpg"}}{{/hket:inline-image}}

（圖：蔡卓妍IG圖片）

{{hket:inline-image name="94588666_1537894466375842_196491179261644286_n.jpg"}}{{/hket:inline-image}}

（圖：蔡卓妍IG圖片）

阿Sa、祖兒及Kenny向來都老友鬼鬼，三人不時在對方的社交網留言互動；阿Sa在IG上載多張昔日三人到外地工作住酒店的陳年照，她留言稱：「又搵到啲珍藏，唔記得邊年，我哋全部人去咗唔記得咗邊度做嘢，做完嘢返酒店話約埋一齊玩，點知個關斌（關智斌）話要瞓覺，跟住我哋就衝咗入佢房，攞咗啲食剩嘅蛋糕...跟住...（看圖）」，阿Sa又hashtag「#關斌真係慘 #成日畀我哋蝦 #好彩佢性格好 #又玩得 #又靚仔  #條孖煙囪又靚 」，相中的Kenny被人搽到成臉蛋糕，又掰大口露出「驚」訝神情，看到自己昔日被糟質的相片，Kenny即慘叫：「點呀，呢啲都post‍」，剝緊花生的祖兒亦留言：「嘩﹗Sa姐爆料。」阿Sa即鬼馬稱：「見係關斌咋！第二啲我收埋㗎！」

{{hket:inline-image name="94397108_1721294534695151_8201540838161500969_n.jpg"}}{{/hket:inline-image}}

（圖：蔡卓妍IG圖片）

{{hket:inline-image name="95252365_125884579068989_8739608256517858996_n.jpg"}}{{/hket:inline-image}}

（圖：蔡卓妍IG圖片）

不過最搞笑的是，相中穿著黑白波點孖煙囪的Kenny，被網民取笑穿著徐小鳳style的孖煙囪，亦有人留言「原來關智斌的底褲真是花的」、「值得回味的那些年」、「Sa姐，繼續爆多啲料吖」。由於不滿被爆相爆料，Kenny即上載兩張阿Sa初出道的照片作報復，相中的阿Sa一臉稚氣，而且嘟長了嘴巴，略嫌相片不夠「爆炸性」，Kenny留言稱：「近來發覺啲朋友好鍾意搵啲舊相嚟post，朋友呢啲嘢真係會互相影響，搞到今日都忍唔住搵啲舊相。@choisaaaa 果然bff。#搵咗咁耐都係得呢張#相煎何太急系列#波點孖煙囪唔靚咩」阿Sa即回覆：「禮尚往來 #等我再搵吓先 #等我」，大批網民留言表示期待。

{{hket:inline-image name="101.jpg"}}{{/hket:inline-image}}

（圖：關智斌IG圖片）

{{hket:inline-image name="94886165_547244709509961_4723795303522938189_n.jpg"}}{{/hket:inline-image}}

（圖：關智斌IG圖片）

阿Sa和Kenny爆完料之後，又輪到祖兒上載一條跳舞片段到社交網，她指時間大概是2007年，地點是電視城化粧間門外。祖兒與3名舞蹈員邊跳舞邊嬉戲，期間祖兒更笑到彎晒腰，她留言謂：「當年瘋瘋癲癲又一天，嘻嘻哈哈，寓工作於娛樂，Sandy（前助手）已習以為常，play hard、word harder，我懷疑Highking冇當我係女仔，根本就係一隻馬騮。」阿Sa亦留言附和：「Highking都冇當我哋係女仔囉！」祖兒即回應：「魔鬼。」而鏡頭一轉，已經是2019年，祖兒與一大班舞蹈員正在排舞，她指自己跳高跳低了十多年，但每次跳舞的時候仍然興奮，亦覺得是世界上最好玩的運動，希望可以好快再跳舞給粉絲看。

相關新聞：【馬來西亞封國‧強制隔離】Twins關智斌等全副保護裝返港戴手帶自我隔離 戲服保命不怕被「動物大奇觀」

{{hket:inline-image name="j3.jpg"}}{{/hket:inline-image}}

（圖：容祖兒IG截圖）

{{hket:inline-image name="j2.jpg"}}{{/hket:inline-image}}

（圖：容祖兒IG截圖）

撰文：倪小珊