《大輝主場》霍啟剛靠一招成功抱得美人歸 與郭晶晶初見傾心恩愛16年

由林大輝博士主持的《香港開電視》體育訪談節目《大輝主場》，最後一集邀請到霍啟剛做嘉賓，除了談及體育議題，霍啟剛亦少有談及到同太太郭晶晶相知相遇的經過，仲有生活點滴，當中亦透露他全靠一招成功追求到呢位跳水皇后！

{{hket:inline-image name="r.jpg"}}{{/hket:inline-image}}

（圖片：大會發相）

談到感情生活，2004年郭晶晶首次奪奧運金牌，隨國家運動員訪港，當年霍啟剛是負責接待訪港的奧運團，而他一直晶晶的粉絲，於是連續找晶晶合照兩次，最後成功拿到電話。霍啟剛說道：「跳水絕對唔係我強項，認識佢之前我唔識得睇跳水。當然我喺晚宴上好怕醜咁拎著佢張相，請佢幫手簽名同一齊影相。」至於如何追求到美人歸，他謙虛表示：「長話短說，都係堅持。」

相關新聞：【留家避疫】霍啟剛跟家人下廚籲珍惜天倫樂 貼地富三代教子女洗車賺零用錢

{{hket:inline-image name="s.jpg"}}{{/hket:inline-image}}

（圖片：大會發相）

約會了一段時間，二人開始拍拖，2008年北京奧運舉行時，霍啟剛親到現場觀賽，當時他非常緊張，比郭晶晶更害怕：「08年大家目光當然喺佢身上。佢唔係第一次奪金，要衛冕壓力仲大。幸好佢心理素質好，抱平常心，反而我就嚇到面都青！好在佢最後贏咗，萬一有咩差池，大家肯定係責怪我，係咪先？唔會責怪佢！」

{{hket:inline-image name="102d50fbc55b34621aa35669821014d7.jpg"}}{{/hket:inline-image}}

（圖片：東星娛樂）

節目中霍啟剛笑言，雖自己從小到英國讀書搞到中文唔太好，但他為了跟訓練日程密集的郭晶晶能以短訊溝通，在短時間學識拼音，認真唔簡單，只能說愛情的魔力很強大！

{{hket:inline-image name="6fa934a5jw1ebsdurac1fj20dc0hswgl.jpg"}}{{/hket:inline-image}}

（圖片：霍啟剛微博）

{{hket:inline-image name="6fa934a5gy1g2g54mjpyzj20yi1a37wi.jpg"}}{{/hket:inline-image}}

霍啟剛不時在社交網大曬家庭樂（圖片：霍啟剛微博）

霍啟剛又在節目透露郭晶晶的近況，大爆她剛加入世界游泳總會任技術委員會委員，他又說太太一直希望以自己的能力及經驗，幫助香港組織跳水隊，但礙於場地所限，一直未成事，希望日後能如願以償。

撰文：羅慧怡

責任編輯：楊安莉