紅館重開頭啖湯？梁漢文10月尾開騷

梁漢文（Edmond）昨日在網上報喜，宣布今年十月尾在紅館舉行第五次個人演唱會，而對上一次在紅館開騷已是2015年。Edmond留言︰「如果疫情一轉好，我會唔會係香港第一個歌手喺紅館開番演唱會呢？大家同我一齊集氣！」

為慶祝再次登上紅館舞台，Edmond拍片揚言要「食爆佢」慶祝，他走到超市買薯片，到小食店買咖喱魚蛋、墨魚生腸，並稱：「我對疫情好有信心，十月份大家可以生活回到正軌，我呢排開始為演唱會開會，亦錄緊新歌。」此外，張敬軒亦將與香港中樂團在11月舉行紅館騷。