【責任攬上身】謝東閔慘被背叛記招全程護花 朱智賢唔回應有冇同黎太道歉

TVB上位小花朱智賢跟港男出身的藝人黎振燁「偷食」鬧得全城熱哄哄，有指男方為了新歡，更狠心和已經懷孕8個月的初戀太太離婚，被網友封「超級渣男」。今日（29日）朱智賢孖男友謝東閔於電視城開記者會，為事件現身拆彈解話，至於「偷食」男主角黎振燁則不見蹤影。

相關新聞：【粉絲心痛謝東閔】黎振燁疑為朱智賢棄大肚糟糠妻 靚車幽會 老婆逼地鐵產檢

{{hket:inline-image name="eee.jpg"}}{{/hket:inline-image}}

（圖片：東星娛樂）

{{hket:inline-image name="952612a9fb6c510ab606ea5631e07c49.jpg"}}{{/hket:inline-image}}

黎振燁繼續潛水！（圖片：東星娛樂）

下午4點半，朱智賢身穿白色上衣、牛仔褲，在全黑打扮的謝東閔陪同之下見記者。朱智賢記招一開始眉頭深鎖，心事重重，未有開口講話，反而是謝東閔率先開腔回應女友偷食事件，並大方護花：「今日我決定企岀嚟做呢個記者會，因為我都好擔心佢，承唔承受到呢種壓力。其實佢（朱智賢）已經將成件事來龍去脈講咗我聽，我亦知道晒所有嘢。我會陪你走過呢一關！可能係一時間有啲迷失，我覺得我都有少少責任，可能我成日掛住工作，疏忽咗佢。我想講佢係個好勤力嘅演員，希望大家可以畀個機會佢，自己反思吓。」

相關新聞：【背妻與朱智賢幽會】黎振燁被港男Flow鬧「賤中之賤」《機場特警》男演員頻出事捲入醜聞

{{hket:inline-image name="8a8a55b1-690d-45f7-bf34-2eb50a4a967c.JPG"}}{{/hket:inline-image}}

（圖片：東星娛樂）

{{hket:inline-image name="20f19ca6-9a6b-4e6c-aa7c-d24264d02f52.JPG"}}{{/hket:inline-image}}

謝東閔將女友偷食責任攬上身（圖片：東星娛樂）

隨後朱智賢在記者會上道歉，更一度哽咽流淚：「我要講嘅係對唔住，我令大家失望對唔住。我對唔住錫我嘅人，我對唔住畀機會我嘅人，我辜負咗你哋，我辜負咗公司。喺呢度我想同喺呢件受傷害嘅人講聲：『對唔住』，真心對唔住。」其後記者追問朱智賢有否跟黎太道歉時，她跟謝東閔未有回應就轉身離開。記者會後，高層樂易玲現身於記者會現場，但被問到黎振燁之後會否公開回應，她則充耳不聞，沒有答覆。

記者會後，朱智賢和謝東閔獨家接受東張西望訪問。朱智賢聲淚俱下，聲稱因抽離不到角色丶演戲經驗淺之故，最擔心影響家人及劇組，但仍然沒有直接向黎太道歉。

{{hket:inline-image name="f81c90ea-c235-4b2e-ac0d-5b242b0364fc.JPG"}}{{/hket:inline-image}}

（圖片：東星娛樂）

馬國明跟謝東閔同是天涯淪落人，去年經歷「安心偷食」事件，被黃心穎背叛，今日他出宣傳新劇《降魔的2.0》的活動時，亦被問到有沒有留意朱智賢跟黎振燁的新聞。而對此，馬國明就表示千祈不要怪責任何人，一切只能靠謝東閔自己走出陰霾。

{{hket:inline-image name="73b2beaf-c760-44a0-8f3b-8295e17f8f8a.jpg"}}{{/hket:inline-image}}

（圖片：東星娛樂）

{{hket:inline-image name="439a37d5-d1fc-4924-b2f6-20dc234c258b.jpg"}}{{/hket:inline-image}}

（圖片：東星娛樂）

撰文：羅慧怡

責任編輯：楊安莉