【居住問題．續集】與妻盡花積蓄成功「上車」 被公屋父母要求同住 港男怒極攤牌決定...

本港樓價高企令人望「樓」興嘆，不少市民均需與家人同住細小單位，部分年輕人更因此難以成家立室。一名港男近日與妻子終於儲夠錢「上車」買樓，卻被父母以「成世人冇住過私樓及要享福」為由，要求一齊住，令希望脫貧的他感到十分憤怒，終決定向父母攤牌，「一諗起媽媽用我啲血汗錢，畀我細佬吃喝玩樂就火滾！」

該名港男前日（3日）在網上討論區「連登」發帖，表示自己與妻子成功儲夠錢「上車」，但住公屋的父母得知後要求一齊住，令他大感無奈，「出咗身咁多年我想脫貧喇，點解要嚟拖我後腿？家用我都冇畀少喇，再畀多啲同幫你養埋兩件廢青冇分別，享福？兩公婆供樓畀你享福？」

延伸閱讀：【居住問題】港男與妻成功儲錢上車買樓 公屋父母要求一齊住：成世人冇住過私樓要享福【查看詳情】

事件引來網民熱議，紛紛留言表示「欲知後事如何」。對此，港男在帖文中留言回覆最新情況，又列出9大點方便大家了解：

1. 而家搬咗去老婆屋企（居屋）暫住
2. 我按九成，750萬500零呎兩房，預計大半年後入伙
3. 兩公婆加埋搵70幾k（7萬多元），首期連費用使晒積蓄百零萬
4. 而家搬咗去老婆屋企暫住，外家都明白
5. 媽媽冇返工，老豆早年生意失敗後仲要生我2個細佬，咬過老綜（綜援）
6. 老豆近年揸的士就冇咬，但都無儲過錢
7. 講明再嘈cut家用，我家用已經盡晒責任，要更多嘅點解唔問兩件廢青拎
8. 隊咗份公屋除名表畀戶主老豆簽，佢唔肯簽嘅準備全家瞓街
9. 我有2個細佬，1個真廢青冇返工，1個返炒散月光族洗腳唔抹腳

他指出，自己月薪為3萬多元，妻子則為4萬多元，他每月會給8,000元家用予父母。如果爸爸的士開足工，每月至少有1萬元收入，「但佢成日揸兩日休幾日，得閒賭馬仔揈晒啲錢，唔儲錢㗎，真係諗住靠我筆家用就得。」

至於兩名弟弟，則一個文憑試（DSE）後只返過一兩份工，「勁快就唔做，成日話人事唔好，其實自己有性格問題同人相處唔黎，一直完全冇畀家用」；另一個則中五畢業，「DSE都冇考就出嚟做裝修，但又懶唔考牌，跟啲判頭炒吓散，鬆手啲咪畀2,000蚊家用」，但經常去到糧尾就問媽媽「拎返一千幾百」。他指原本覺得承擔家用問題不大，

「但而家諗到未來要供樓， 仲月月8,000真係唔掂……再想像到家用變咗去供養埋2個廢青，一諗起媽媽用我啲血汗錢畀我細佬吃喝玩樂就火滾，我細佬廢青仲要食煙！」

 對於媽媽縱容弟弟「 好食懶飛」，港男對此十分不滿，直言「講起就扯火」：

「 我啲家用就畀媽媽使落隻廢青到，哦咗媽媽起碼3、4年催隻廢青搵工......（媽媽）上年仲要夠膽死同隻廢青跟團去日本旅行，啲錢係用我啲家用㗎！

對於港男的遭遇，有人表示「做人不能忘本」、「唔好到佢哋（父母）走咗之後先嚟後悔」、但仍有不少網民深表同情，「樓主父母又唔係無屋住，又唔係經濟好困難」、「結得婚，就應該以老婆同樓主的家庭單位為優先」、「呢個世界唔會有無緣無故的愛和恨」、「孝唔孝道唔講住，但兩老加老婆住埋一齊，仲要層樓係老婆嘅（一半），婆媳關係一定出大事」、「有時啲嘢係雙向，難道樓主父母冇去到咁盡咩？」

責任編輯：李凱晴