《降魔的2.0》首播節奏明快 視迷反應佳 馬國明︰我對劇本好有信心

萬眾期待的奇幻劇《降魔的2.0》前晚首播，馬國明（小馬）這位升級降魔人在第一集已極速露兩手，更有公路追逐及驅魔場面，亦有小馬煲AV的搞笑戲，令觀眾喜出望外。昨晚馬國明接受《晴報》訪問時，謙稱只是做好本份︰「我對劇本有信心，希望繼續支持！」

無綫《降魔的2.0》前晚接棒《機場特警》播出，其實劇集未開播前已在網上洗版，可見劇迷都充滿期望。劇集首集頭段先回帶《降魔的》大結局片段，為觀眾溫故知新。

小馬相隔三年霸氣回歸，仍保持其賤賤格格的麻甩佬特質，除了在家中鬼鬼祟祟煲AV睇「瑠珮悅子」外，又駕車載癡男怨女到時鐘酒店，更乘機賺佣金，令觀眾會心微笑。已成為新一代降魔人的小馬又極速大顯身手，大戰已成魔的怨靈Teddy（李日昇飾）、揸的士與駕駛電單車的惡妖在公路上追逐，小馬Chok盡降魔型到無朋友，特技場面相比第一輯亦有改善。

此外，小馬與化身水鬼的豪仔（胡鴻鈞飾）在首集亦有多場對手戲，二人久別重逢，但未有聚舊，相反小馬要面對這位兄弟帶來的不少考驗。

熟悉面孔返晒嚟

至於樊亦敏客串當交通警駕駛「鐵馬」現身玩謝小馬，亦可算是在緊湊的動作場面，為大家放鬆一下。而啤啤（劉佩玥飾）、莉莉（譚嘉儀飾）、梁晶晶（謝雪心飾）、嘟嘟Sir（韋家雄飾）等熟悉面孔皆先後在首集登場。劇集截至昨晚在內地「豆瓣網」錄得8.9分高分數，不少網友大讚第一集節奏明快無悶場；有粉絲亦期待小馬往後繼續爆笑料。

昨晚本報聯絡到馬明，對於劇集開播反應正面，他回應︰「無話意料之內，都係盡力做好本份，希望觀眾鍾意啦，不過我對劇本好有信心，希望大家繼續支持《降魔的2.0》！」

撰文︰Steven

編輯︰黃寶恩

美術：Simon