拍劇拒收疫市價 黎耀祥︰唔通講感情？

《流行經典50年》前晚舉行記招，宣布曹永廉回歸主持節目，他亦找來老友黎耀祥（祥仔）擔任四集嘉賓主持。祥仔將於八月返無綫拍劇，他表示因新冠肺炎減少收入，又指尊重合約精神，拍劇不會收疫市平價。

無綫前晚特別送上蛋糕，為日前56歲生日的黎耀祥補祝。祥仔表示生日願望是希望疫情盡快過去：「希望大家回復以往嘅生活，因為好多工作都取消或者延期，好似我原本三月同家燕姐（薛家燕）上郵輪登台，都要延期，可能明年先成事。」問到收入損失多少？他搞笑說：「八、九位數字啦！講笑啫，我係收得平，所以先多騷，損失咗一啲錢啦。」

曹永廉唔擔心網民罷睇

祥仔透露將於八至九月返回無綫拍新劇，劇中飾演一位拳手：「繼上次拍完《殺手》，今次又再操肌，真係好艱苦。」問他今次拍劇是否收「疫市價」酬勞？他笑說：「唔講錢唔通講感情咩？其實我同TVB仲有部頭合約，酬勞係根據合約條款嘅，我自己想演特別啲嘅角色。」他搞笑指今次為《流行經典50年》擔任嘉賓主持，亦只是收「友情價」。

同場的曹永廉早前公開表達政治立場，問他會否擔心遭網民杯葛節目？他說：「唔會嘅，立場還立場，工作還工作。」祥仔亦幫口說：「大家做節目，都係想提供娛樂畀觀眾，開心度過疫症。」

採訪︰Pauline

攝影︰林良明

編輯：李潔盈

美術：梁政敏