自從已離開超過700集風少（陳浚霆飾演）回歸《愛回家之開心速遞》，跟曾經撻著的熊心如（蘇韻姿飾演）見面，好多觀眾都話期待他們會有愛情線，與此同時都有不少觀眾問朱天梯（梁証嘉飾演）幾時返，話想睇他與風少爭女，上演三角戀。
(Facebook截圖)
朱天梯性格多情，時常有其他女性法律同業對他感興趣，以往亦來者不拒，是位情場高手，繼拒絕熊心如表白之後，二人感情就沒有後續，直至他於675集被交代到去外國打官司，並答應朱凌凌（吳偉豪飾演）在空閒時會探望家人，至今都沒再出現，消失足足4個月，有成196集。不過大家可以放心，編劇都聽到大家聲音，將在第871集，即明日一集「朱門怨」安排朱天梯正式回歸，交代他終於在英國打完官司回來香港。被問到會否與蘇韻姿有機會發展，梁証嘉回覆《晴報》時表示：「暫時我都仲未知，我只希望呢集出街反應好，咁可能好多嘢都有發展。真係多謝大家！我希望大家都會繼續支持TT呢個角色，我會努力。」
(梁証嘉instagram圖片)
(梁証嘉instagram圖片)
之前之所以會暫別劇組，梁証嘉就解釋可能與他要抽時間拍攝其他劇集有關：「可能《踩過界II》同《香港愛情故事》都有我，唔知係咪度期嘅關係，我估。」不過當被問到新冠疫情蔓延會否影響工作，他坦言：「其實有啊，因為出面好多show都取消咗。」
梁証嘉話這段時間慶幸不時被邀請做直播，介紹他的玩具珍藏，所以並非完全手停口停。
(梁証嘉instagram圖片)
不過他就指開直播的體驗啟發他想拍片，踩過界做YouTuber：「近排可以試吓拍煮嘢食，或者唱歌同各位互動。其實我一直都有興趣，只係之前一路都要花時間拍劇，我唔想求求其其開始咗又有排都唔更新，所以想諗定一路嘅發展方向。我作為演員唔單止演戲，發展自己其他鍾意嘅興趣都好重要，所以我拍嘢應該都會嘗試唔同類型嘅發展。」
梁証嘉解釋自己是家庭「煮」夫，又笑言廚藝比老婆高超：「如果時間許可，好大部分時間都係我煮嘅。我覺得我(煮得)好食好多，哈哈哈。我鍾意試吓唔同嘅配搭，又或者喺街度食過覺得好食又會自己返屋企試吓煮。」似乎拍片煮飯應該難不倒他。
(梁証嘉instagram圖片)
(梁証嘉instagram圖片)
(梁証嘉instagram圖片)
(梁証嘉instagram圖片)
最後他說希望同已有YouTube Channel的gigi姐黃淑儀有機會合作：「如果可以問到烹飪高手gigi姐指導或者跟佢學習，無論係煮嘢食或者演戲都簡直係我嘅榮幸。」
(黃淑儀YouTube channel截圖)
撰文：張芷晴
責任編輯：楊安莉