《晚吹》空姐空少大爆機艙最污糟位 收餐遇「暖蘋果汁」真相勁嘔心

好多香港人都鐘意去旅行，雖然近期受新冠肺炎影響冇得飛，但相信唔少人對空姐、空少，同埋機槍入面嘅秘聞都好有興趣。最新一集Viu TV《晚吹 又要威 又要戴頭盔》就請嚟四位空中服務員，大爆機槍入面最污糟嘅地方，聽完簡直覺得危機處處，度度都咁污糟！

{{hket:inline-image name="v.jpg"}}{{/hket:inline-image}}

（圖片：影片截圖）

平日飛機座位通常都會擺放住一條用膠袋獨立包裝的毛氈，上節目的空少就透露毛氈極污糟，從來不會清潔。他說：「每班機飛完之後，毛氈正常應該要洗好，消毒過，再個別包裝入返好，但好多次，我打開個膠袋，係見到有嘔吐物。有污跡都好常見，最誇張一次，我見到有把用過鐵餐刀喺密封膠袋入面。」

相關新聞：【點相III】陳炳銓掌紋被批婚後易有外遇 李佳芯鍾情才華唔貪樣力撐男友

{{hket:inline-image name="dss.jpg"}}{{/hket:inline-image}}

（圖片：影片截圖）

除了毛氈，原來飛機的座位都好污糟。一位空姐表示：「之前有班機Delay好長時間先落到機，到啲客走曬，我發現有個位有一條T-Back丁字褲喺度，可能個客等到熱掛。」而另一位空姐就話座位有時會有屎漬：「試過有班機全機爆曬，其中一個位疑似有屎漬，但上司又唔肯封咗個個位，最後叫全機最新嗰個同事去抹，之後照畀下個客坐。」

{{hket:inline-image name="frd.jpg"}}{{/hket:inline-image}}

（圖片：影片截圖）

至於座位前方，通常用作放手袋，幾位空中服務員一致認同好污糟：「有啲人嘔完喺地下， 就咁抹幾下噴下消毒就算。」聽到主持人余迪偉忍唔住大叫：「死啦唔好坐飛機啦咁樣！」

{{hket:inline-image name="vv.jpg"}}{{/hket:inline-image}}

（圖片：影片截圖）

收餐時都危機處處，隨時中伏，最嘔心係居然有客會小便落透明杯，再叫空中服務員收埋！一位空姐就話收過疑似蘋果汁嘅嘢，但摸真啲係暖嘅：「但客將飲果汁嘅透明杯遞畀我，同我講：『我唔要啦，你幫我收咗佢』。成杯嘢我一摸上手，暖嘅，仲要蘋果汁咁嘅色。」佢先醒覺係小便：「未必一睇就知，佢屙完唔會即刻叫你收㗎嘛，可能過咗陣經過佢個位，先叫你收餐。」

{{hket:inline-image name="e.jpg"}}{{/hket:inline-image}}

（圖片：影片截圖）

而全機最污糟、高危嘅工作，一位空姐認為係清潔有嘔吐物嘅廁所洗手盆：「最污糟係嘔落廁所洗手盆度，我哋冇辦法通到架，就會塞咗，惟有戴住BBQ手套一嘢抹走佢。通常都會有博表現嘅人衝岀去清，因為想博加分，每班機飛完之後係有評分制度，分數會直接影響升職。」聽完呢啲秘聞之後，真係唔敢亂掂飛機上嘅嘢呀！

{{hket:inline-image name="ffff.jpg"}}{{/hket:inline-image}}

（圖片：影片截圖）

撰文：羅慧怡

責任編輯：楊安莉