媽咪大晒 黃婉曼獲丈夫主動湊女

黃婉曼、蔡一鳳及戴夢夢等昨午到屯門派發防疫物資，適逢母親節，已為人母的黃婉曼及蔡一鳳不遺餘力做善事，晚上再跟家人食飯慶祝。黃婉曼表示兩個寶貝女一早起身擁吻她，非常滿足。

黃婉曼表示自從疫情爆發後，已沒有跟家人外出一段日子，趁着母親節及限聚令放寬至八人，她終於可以跟媽咪及奶奶兩家人一齊食飯。她說︰「其實都超過八個人，我哋會分兩張枱食飯。（小朋友有何表示？）佢哋仲細，大女兩歲幾，細女剛滿一歲，所以都無特別期望佢哋會送禮物畀我。今朝起身兩個女即刻擁吻我，已經覺得好幸福。」

除了照顧家庭，黃婉曼亦忙於打理烘焙餐廳生意。老公送甚麼母親節禮物？她笑言︰「暫時無咩表示。（送多個B做禮物？）唔好啩！」但老公知道她昨日出席慈善活動，所以好主動照顧兩個女兒，黃婉曼又稱兩公婆平日會分配時間湊女。

蔡一鳳短訊慰問阿嬌

名媛蔡一鳳曾出席鍾欣潼（阿嬌）的婚禮，提到阿嬌與賴弘國離婚，蔡一鳳表示已發短訊慰問阿嬌，她說︰「我同佢老公唔熟，都係透過阿嬌介紹認識，希望佢哋就算分開都仲繼續做到朋友。」

此外，蔡一鳳早前向趙薇老公黃有龍追討二億元欠債，她表示官司仍在進行中，對方一直拖着，本月中是最後限期，已交由律師去信提醒。

採訪、編輯︰陳禮恒

美術︰梁政敏

攝影︰Pauline