【聲明】港生活網站並無進行電話推廣活動

《十八年後》結局篇 兇手唔止「第8人」 譚俊彥︰阮Sir都可能成魔

發佈時間: 2020/05/12

無綫熱播劇《十八年後的終極告白》已進入結局周,譚俊彥(Shaun)飾演的林朗生連殺兩人黑化成魔,其演出令人心寒。昨午Shaun接受《晴報》訪問時預告,將承受悲慘結局,更故弄玄虛稱︰「可能係阮Sir(林嘉華)殺我呢!」

《十八年後的終極告白》自播映以來,成功掀起話題,上周劇情揭曉迷戀林朗生的第8人KT(唐嘉麟飾),才是18年前的殺人兇手。上周五(第15集),林朗生被阿一(陳山聰飾)追問後,剖白自己在船上殺害賴國明,其後更得悉自己誤殺被藏在船上的阮太(江欣燕飾),雙手沾滿鮮血。Shaun演活劇中人內心的無助及恐慌,表現到位。

昨晚(第16集)開始,林朗生更會性情大變走上成魔之路,不少網民熱捧他演繹立體;有觀眾亦期待黑化後的林朗生再動殺機。本報昨日聯絡到Shaun,對於本周劇情,他表示︰「結局周有講山聰(阿一)、秀惠(小倩)嘅戀情埋尾,呢幾集亦會交代我同Madam阮(黃智雯飾)嘅感情!佢喺我屋企門口度喊,需要倚靠我,嗰幕戲仲要拍咗兩次,為咗效果幾趕都要重拍!」

爆林朗生命不該絕

對於他在劇中會否再開殺戒,Shaun暗示︰「可能係阮Sir殺我呢,總之嚟緊幾集仲有人死,佢都可能會成魔!」談及上周五他向阿一坦承殺人經過,Shaun預告將有更激烈場面︰「當時我唔可以喊得太犀利,因為嚟緊仲有勁啲情緒嘅戲,所以好難做,要有驚嘅情緒;我無用眼藥水㗎!」

談到林朗生的下場,他透露將有極大轉變︰「佢性格大變,會積極做假數搵錢,眼鏡、服裝造型亦同之前完全唔同,仲會教阿一做嘢!」他更暗示自己命不該絕︰「林朗生將要面對自己做錯事嘅後果,死咗就一了百了,死唔到仲慘,最尾兩集我仲會不停喊!」

Shaun不諱言他現實中的中學舊同學亦對其演出刮目相看︰「佢哋話以前睇我做戲想摑我,但係今次我嘅演出完全唔同!話未見過我咁好戲!(網友睇好你首奪視帝?)攞咗入場券先,《十八年後》比較Dark,反而希望憑稍後主演的喜劇《失憶24小時》贏視帝!」

撰文︰Steven

編輯︰黃寶恩

美術︰Simon

《十八年後》結局篇 兇手唔止「第8人」 譚俊彥︰阮Sir都可能成魔

阮Sir得悉林朗生殺死其愛妻,未知會否要對方一命填一命。

《十八年後》結局篇 兇手唔止「第8人」 譚俊彥︰阮Sir都可能成魔

Madam阮與林朗生愛得死去活來,二人的激吻場面陸續有來。(受訪者提供)

《十八年後》結局篇 兇手唔止「第8人」 譚俊彥︰阮Sir都可能成魔

Shaun(前排左二)與眾演員前晚接受《東張西望》訪問,他昨午更透露大結局七兄弟將會再次重聚。(IG圖片)