舌尖去旅行！逾50款日韓美食登陸百佳

疫情下大家都暫時去唔到旅行吃喝玩樂，但黛安收到風，百佳超市已代大家飛去世界各地，搜羅多款人氣精選產品！當中超過50款係全新日韓精選美食，又將旗下12間指定分店同百佳網店PARKnSHOP.com打造成「Oishī Su-pa-」，夠晒特色又多嘢買，好吸引啊！

公關姊妹話，百佳12間分布於港九新界嘅Oishī Su-pa-，全部按地區特色命名同設計標誌，好似青衣城TASTE--青衣の一番味、港島區就有杏花邨杏花新城fusion--瀛風杏花駅等；而以日韓精美插畫風設計嘅Oishī Su-pa-，以生動嘅卡通區分每個產品專區及美食櫃位，賞心悅目之餘仲方便大家慢慢揀。

Oishī Su-pa-不僅雲集多款日韓直送時令蔬果，亦有環球優質靚肉及海鮮，好似日本鹿兒島梅肉扒同急凍油甘魚鮫等，加上多款日韓等地靚酒，同埋獨家發售嘅多款韓國YOUUS至Hit零食，真係有排揀呀，大家快啲去掃貨啦！