海港城及時代廣場 推全港消費獎賞計劃

經濟唔好更加要精明消費！黛安知道九龍倉置業旗下嘅海港城同時代廣場，正研究與同業互助自救創造商機，即日起至17日舉辦「Rewarding Everyone」全港消費獎賞計劃。

計劃為期一星期，期間凡18歲或以上市民，以信用卡喺全香港任何實體零售及餐飲商戶，單一消費滿指定金額即可換領$100消費券；單一消費滿$1萬，更可額外換領$600消費券，最多可換領$4,000消費券，消費券有效期至下個月14日，適用於海港城內260間及時代廣場近100間參與商戶同餐廳㗎。

公關姊妹話，商場將提供共84萬張消費券畀市民換領，總值超過$1億！但係為免人群聚集，大家要先喺網上註冊、登入及下載「消費券電子換領證」，再到商場領取，每日名額2,000個，詳情可留意2大商場嘅網頁。