【聲明】港生活網站並無進行電話推廣活動

與黃智雯「翻雲覆雨」 譚俊彥︰一啲都唔浪漫

發佈時間: 2020/05/13

譚俊彥、黃智雯昨日與一班《十八年後的終極告白》演員,在電視城為劇集造勢。在劇中陰險殺人的譚俊彥,在昨晚一集中與黃智雯演床上戲,兩人表示拍攝親熱戲毫不浪漫,譚俊彥更強迫黃智雯用真眼淚上陣,務求效果盡善盡美。

譚俊彥、黃智雯、陳山聰及趙希洛等昨日為配合結局周劇情,在席上展露身體最美的部分。陳山聰穿上印有黑色胸圍的恤衫現身,笑言是代身在大馬湊女的楊秀惠「露」,他說︰「秀惠返唔到嚟宣傳,監製話要『露』,所以我幫佢露bra。」楊秀惠則隔空拍片支持,在鏡頭前抱着囡囡說︰「一哥(陳山聰)代我露少少嘢,咁我都露少少嘢啦,就係露BB畀大家睇。」

譚俊彥與黃智雯的「翻雲覆雨」床戲昨晚播出,黃智雯笑言會與男友出街食飯避開,譚俊彥說︰「我會同老婆一齊睇,因為避無可避,拍嗰陣我都叫佢唔好嚟現場,以免尷尬。(事前備案?)無諗咁多呀,但我首要條件係拍出嚟畫面靚,我哋電視尺度唔似美劇同韓劇,可以有咁多動作場面。當時又要除衫,又有工作人員攞住反光板,一啲都唔浪漫。」二人日前一場爆喊戲獲讚,譚俊彥透露:「拍攝時我迫智雯唔可以用眼藥水,要用真眼淚,出嚟效果好好。」問到角色阿Sam變得陰險恐怖,譚俊彥笑說︰「嚟緊呢兩日出街應該會畀人鬧。」

陳山聰預告入產房剪臍帶

另外,山聰太太Apple的預產期在七至八月,他慶幸身邊有不少父母級藝人好友,可以「過兩招」給他。山聰說︰「林子善、陳敏之同胡諾言都好有經驗嘅,佢哋嘅BB又係唔同年齡層,好多謝佢哋畀我好多寶貴意見。」他透露已請定陪月照顧太太及BB,又預告會入產房剪臍帶,他稱︰「BB出世一刻,感動嘅落淚應該少不免。」

採訪︰倪小珊

編輯︰李潔盈

美術︰梁政敏

攝影︰林良明

與黃智雯「翻雲覆雨」 譚俊彥︰一啲都唔浪漫

何遠東一見陳山聰的胸圍恤衫,即「胸襲」對方。

與黃智雯「翻雲覆雨」 譚俊彥︰一啲都唔浪漫

身在馬來西亞的楊秀惠抱B拍片。