【聲明】港生活網站並無進行電話推廣活動

黑髮黑面扮律師 黃翠如被蕭正楠嘲惡婆

發佈時間: 2020/05/14

黃翠如昨日到無綫電視城出席新劇《七公主》造型活動,她在劇中首次挑戰心狠手辣的律師,特別染黑髮迎接新角色,但老公蕭正楠卻大呻唔習慣。翠如沾沾自喜說︰「我就係要呢種感覺。」

黃翠如、林夏薇、高海寧(高Ling)與陸永等昨日以新劇造型亮相,為角色剪短兼染黑髮的翠如說:「角色係我入行以來最大嘅挑戰,我做一個狠辣嘅律師,鍾意贏又唔友善嘅。」她笑指老公蕭正楠看不慣她的新髮色:「佢話我染咗髮之後個樣惡咗,我就係要呢種感覺。」她參考鄭裕玲的經典律師角色,又努力熟背劇中的結案陳詞︰「一個案件要用十日去背,試過揸車都背緊。」

林夏薇在劇中與鄭子誠及徐榮有感情綫,更要與徐榮演甚激的親熱戲:「我睇劇本時都『嘩』咗一聲,場戲要我除晒衫,又要喊,情緒起伏好大,為咗容易啲進入角色,我已經同老公講拍劇嗰段時間要分房瞓。因為開工就要全程投入,惟有推遲造人計劃。」對於林峯太太張馨月疑似陀B?林夏薇說︰「只係江湖傳聞,由佢哋自己宣布啦!」

陸永唔嬲Do姐搵姜濤

飾演司機的高海寧與陸永有不少對手戲,紮胸上陣的高Ling造型包到冚,但陸永笑言不會失望。高Ling自爆劇中會被半裸小鮮肉包圍,艷福不淺,陸永搞笑說︰「艷福係我呢種質素,正唔正先?」提到鄭裕玲(Do姐)飛起農夫,與姜濤及ERROR成員肥仔拍廣告,陸永說︰「都要放Do姐出去玩下,網友話佢哋扮農夫,有乜可能姜濤扮我,太侮辱姜濤喇,但C君同肥仔嘅顏值的確有啲似!」

採訪︰倪小珊

編輯︰李潔盈

美術︰梁政敏

攝影︰林良明

黑髮黑面扮律師 黃翠如被蕭正楠嘲惡婆

林夏薇預告有大膽床戲,要做足準備防走光。

黑髮黑面扮律師 黃翠如被蕭正楠嘲惡婆

高海寧與陸永不斷互窒。