袁偉豪(Benjamin)同張寶兒（Bowie）日前被爆豪擲近7千萬於清水灣共築愛巢，阿Ben亦大方表示有意同女友拉埋天窗。張寶兒出身富裕家庭，爸爸身家估計最少三億，喺香港擁有多個物業，亦即係話，阿Ben隨時會成為「三億駙馬」呀！其實娛樂圈入面有唔少男藝人都係乘龍快婿，另一半係富家千金！
相關新聞：《東張西望》袁偉豪張寶兒7千萬新居逐格睇 4房複式單位生足球隊都冇問題
{{hket:inline-image name="2a96996157b0cea661146b0b74245246_600.jpg"}}{{/hket:inline-image}}
袁偉豪同張寶兒感情穩定（圖片：東星娛樂)
吳家樂
藝人吳家樂06年與其士集團太子女周蕙蕙結婚，二人結婚14年，育有三名子女，一家五口極為幸福。吳家樂外父周亦卿有「升降機大王」之稱，持集團62.76%股份市值21億。周亦卿前年過身，遺下估計逾46億元身家待分配。
（圖片：東星娛樂)
（圖片：吳家樂IG)
黎諾懿
黎諾懿跟落選港姐李潔瑩結婚以來，一直恩愛，太太係名副其實的富家女，其父親經營美容公司，共有18間分店，加上手持物業，估計坐擁5億身家，因此14年兩人結婚時，黎諾懿被指晉身「億萬駙馬」。
（圖片：黎諾懿IG）
黎諾懿一家三口（圖片：黎諾懿IG）
甄子丹
「宇宙最強」甄子丹的太太汪詩詩係富家千金，出身珠寶世家，父母有「加拿大鑽石大王」之稱，身家十分豐厚。自幼受家人影響，汪詩詩對珠寶設計好有興趣，原來同老公的婚戒都係佢親自操刀打造。
（圖片：甄子丹IG)
（圖片：甄子丹IG)
布志綸
樂隊Mr.主音Alan與圈外玩具富豪陳明耀千金陳雪瑩結婚以來，一直恩愛，育有一子肥冬瓜Adam，因為太太家中富有，他結婚時更被稱為「十億駙馬」。
（圖片：布志綸IG）
歐陽震華
Bobby嘅太太傅潔嫻家世顯赫，家族大有來頭，佢爺爺係澳門一代賭王傅老榕，早在何鴻燊承投澳門博彩業專營權之前，曾雄霸賭業20多年。其家族曾被封為「香港四大家族」，除創辦香港富麗華酒店，又涉足房地產業務，家族資產據知近80億港元，認真唔簡單。
Bobby同太太去邊都一齊，sweet到爆（圖片：歐陽震華微博)
（圖片：歐陽震華微博)
林文龍
林文龍與郭可盈一直是圈內恩愛夫妻，老婆來頭都唔嘢少，其父郭達昌開塑膠廠起家，前後有5間公司，2011年病逝後其過億身家和塑膠生意便分給4名子女。
（圖片：林文龍微博)
（圖片：東星娛樂)
陳子聰
陳子聰同何鴻燊二房女兒何超儀結婚17年，恩愛如初，有指何鴻燊高峰時可控制嘅資產曾達5,000億港元，其個人財富則有700億港元，果然係「賭王」！
（圖片：東星娛樂)
撰文：羅慧怡
責任編輯：楊安莉