處境劇《愛回家之開心速遞》戲裡戲外，演員都好似一家人一樣相親相愛。近日新冠肺炎疫情下，大家每日都要戴住口罩示人，想吸收清新空氣，香港人大多數都要走到郊外，在人群疏落的情況下歇一歇，除下口罩吸啖氣，舒展筋骨之餘，亦可以一解困在家和辦公室的悶氣。劇中演員「大小姐」林淑敏、「送水輝」許家傑、「潮偉」袁文傑和「熊尚善」滕麗名上星期行完山之後，非常過癮，今次拉埋暫別劇組的馬貫東一齊再行過，不過今次天公不造美，他們行山行到一半落大雨，而由於他們人多勢眾合共9個人，最終分開4個和5個兩組出發，林淑敏和許家傑這一組竟然比前一組慢足足23分鐘才成功下山。
相關新聞：《愛回家》大小姐熊尚善拉隊行山執垃圾 拍片呼籲大家切勿做垃圾蟲
(圖片：袁文傑IG）
原圖大合照由許家傑舉機自拍，齊人。(圖片：袁文傑IG）
雖然落雨搞到大家由頭濕到落腳趾尾，不過大家興之所至玩得非常開心，最後合影大合照留念。不過率先甫相的「熊尚善」滕麗名竟然不小心剷走劇中的另一半「潮偉」袁文傑，即時惹來不滿，袁文傑留言說：「你做乜今次整走咗我？」為了補償對方，滕麗名再次出動她的P圖功力，一次過將六個袁文傑補在照片之上，以一賠六還返夠本，認真搞笑。滕麗名留言說：「唉～～～～～唔小心姐（啫），補返畀你囉，滿意未 #一個不能少」
點知滕麗名上載IG時不慎剷走袁文傑。(圖片：滕麗名IG )
袁文傑留言投訴被剷走！(圖片：袁文傑IG )
結果滕麗名P返夠本還畀佢，認真搞笑。（圖片：滕麗名 IG )
網友紛紛留言大笑他們的幼稚互動，非常搞笑。網友留言說：「阿滕, 妳的大腿下方仲有空位可以塞多位潮生呀」、「p圖技術滿分，滿滿潮生」、「P圖女神再現」等等。
相關新聞：《愛回家》Terry愛上老太婆波波閃「分」 73歲曉華真‧囡囡唔係楊怡而係...
（圖片：焦浩軒IG )
（圖片：焦浩軒IG )
（圖片：林凱恩ＩＧ)
除了他們五位愛行山外，原來劇中「香港島大學」的學生都同樣趁工作空檔一齊去郊遊。「金城安」周嘉洛、「熊心如」蘇韻姿、「Bonnie」林凱恩、「Venus」鄺潔楹、「池子孝」阮政峰和「阿壯」焦浩軒連同幾位幕後工作人員齊齊踩單車郊野上，他們帶同自己的靚靚相機，周圍影相打卡留念，充滿青春氣息。
責任編輯：楊安莉