楊思琦讚老公幫手湊B換尿片

楊思琦昨日與大女楊卓穎到新城接受薛家燕訪問，思琦透露近日主要留在家中湊細仔「豬豬」︰「每日好忙但好享受，囝囝無論瞓覺、去廁所、沖涼嘅表情都相當得意。」問她剛過去的母親節如何慶祝？思琦就甜絲絲地說︰「我哋喺屋企食蛋糕慶祝，老公行咗去好遠地方，買咗個朱古力蛋糕畀我食，好在個蛋糕唔甜，好好味。」

提到身份神秘的圈外老公，思琦大讚老公努力學習湊仔換片。她說：「BB食完就瞓，瞓完又食好易湊。囝囝個樣又似我，又似爸爸，佢依家三個月大，耳仔同額頭都好大，呢兩樣特別似我。」