【語出驚人】邵仲衡曾爆劉青雲撬牆腳 直話直說點評過TVB一個演員

現年56歲的邵仲衡最近為ViuTV拍攝新劇《暖男爸爸》，跟張可頤於劇中飾演兩公婆，會有咀戲。他坦言首次同對方合作，又笑言她是『麻甩佬』的女神。棄演從商20年，近年才復出幕前，原來邵仲衡一直非常敢言，常常爆出驚人說話？

{{hket:inline-image name="19.jpg"}}{{/hket:inline-image}}

(邵仲衡facebook圖片)

邵仲衡於87年加入TVB即受力捧，演出過很多劇集，憑《大時代》「丁孝蟹」為人熟悉。他曾接受訪問憶述自己當年在香港有點名氣，東南亞名氣更高，惟他不懂應對傳媒，有關他的報道比較少：「我嗰陣啱啱分手，幾十個傳媒一擁而上問分手嘅嘢。分手會唔開心，細個又唔識應付，我一句嘢都冇講，低頭就調頭走。」其後記者們一直追著他、叫他，他頭也不回。邵仲衡就話，現在才明白自己當初不懂行內規矩，但又解釋那時候太忙，回家已凌晨3點，沒有時間同傳媒修補關係：「有時打招呼，人哋唔睬我，我就唔睬佢。」

{{hket:inline-image name="11.jpg"}}{{/hket:inline-image}}

(有線電視截圖)

邵仲衡除了話自己不懂事，還曾經接受商業電台《1圈圈 星光背後》訪問，大爆當年跟劉美娟拍拖時，劉青雲企圖撬牆腳。他表示，當年與劉青雲合作拍《大時代》明明有講有笑，有日對方態度大變︰「他講嘢衰衰，攞吓你便宜﹗我覺得有古怪，同女朋友呻時先知佢成日喺屋企樓下等佢，想追我女朋友﹗」但他表示沒生氣，只覺得將這種事帶到工作上是很幼稚的行為，他說︰「本來同佢唔係好多嘢講，反正我哋喺劇中角色對立，既然合唔嚟，就少講。」

{{hket:inline-image name="17.jpg"}}{{/hket:inline-image}}

(TVB電視截圖)

{{hket:inline-image name="16.jpg"}}{{/hket:inline-image}}

(TVB電視截圖)

{{hket:inline-image name="18.jpg"}}{{/hket:inline-image}}

(TVB電視截圖)

邵仲衡亦有曾於有線電視評論黎耀祥的演技：「柴九個角色唔係好啱佢演，身形方面黃德斌會合適啲，咁咪冇咁辛苦囉。」

{{hket:inline-image name="14.jpg"}}{{/hket:inline-image}}

(TVB電視截圖)

{{hket:inline-image name="15.jpg"}}{{/hket:inline-image}}

(東星圖片)

{{hket:inline-image name="13.jpg"}}{{/hket:inline-image}}

(有線電視截圖)

另外他講過娛樂圈黑暗面，他指曾在夜場見過不太出名的女演員：「總之就係覺佢哋唔係去玩，你明啦！」還爆料指自己仍是TVB藝員時，有某位知名電影人透過藝員部邀請他到高級屋苑貴賓房出席飯局，傾電影，但到場介紹「乜」公子給他認識，他覺得奇怪，於是急急腳離場。

不過邵仲衡講完之後受到很多人指摘，認為他不應該批評其他人，但他就解釋無意攻擊：「可能冇睇過我同佢哋兩個做戲，佢有佢寫法，我冇必要亦冇機會澄清。咁多年喇，我嘅立場係得啖笑，冇咩大不了，但佢聽出嚟可能係另一回事，覺得好嚴重。最緊要我唔係侮辱人哋，只係有話直說。時代唔同咗喇，係你哋自己冇變。依家乜都可以比較同批評，我見到佢做得唔好就會講出嚟。」

{{hket:inline-image name="12.jpg"}}{{/hket:inline-image}}

(有線電視截圖)

撰文：張芷晴