下月復課 呂慧儀幫囝囝調節生理時鐘

呂慧儀昨日在電視城拍攝處境劇《愛．回家之開心速遞》，她表示︰「呢排《愛．回家》條綫集中喺自己度，所以開廠比較密，日日都返工，前日先有假放。」放假陪兒子黃柏翹（蟹籽）？她稱︰「反而係佢陪我去整指甲，之後一齊返屋企整啫喱。」

雖然新冠肺炎疫情未過，但讀K3的蟹籽暫定下月中復課，呂慧儀已開始為囝囝調節生理時鐘，不准他太夜瞓。她說︰「雖然停課，但我每日都幫囝囝溫功課，唔驚佢返學心散。同埋佢嘅口罩都足夠，不過我驚天氣太熱，佢返學好辛苦。」她又表示屆時看疫情如何，才決定會否讓兒子上學︰「不過個仔嘅潔癖仲嚴重過我，成日都洗手。」

採訪、攝影︰Pauline