【揀榴槤】大埔街坊$50入手超平榴槤 回家拆殼果肉腐爛發黑傳怪味【附揀榴槤3大要點】

近期榴槤當造，經過水果店時總會聞到陣陣榴槤香味，令榴槤愛好者垂涎三尺。不過有大埔街坊日前逛水果店時，獲店主主動減價，以50元平價買到一大個榴槤，未料回家拆殼即見腐爛發黑果肉，更傳出陣陣怪味，最終只好全部棄掉。有果欄店主接受《晴報》訪問時指，果肉呈啡黑色多數已「熟爛」，不宜食用，並分享3招揀香甜靚榴槤防中伏。

有網民在上周三（13日）於Facebook群組Tai Po 大埔發文，稱於大埔一間水果店買榴槤，見到榴槤「細細個價錢好平」，大小各售$80及$60，遂叫男店員為她選一個細榴槤。男店員打開榴槤檢查後「嗯」了一聲，並主動減$10，當時她聞言如獲至寶，惟回家打開整個榴槤後，才驚覺6件果肉中有2件呈啡黑色，而且有陣陣怪味，安全起見只好忍淚把所有果肉都棄掉，寄語其他網民「便宜莫貪」，

「買榴連記得打開望一兩眼check下（吓），及幫襯返相熟生果檔！」

帖文引發過百網民留言，不少人指店員的反應相當古怪，叫事主應拿回去換貨，「幾十蚊已經夠晒平啦，仲要再平多10蚊𠻹，諗吓都知中伏」、「原個拎返比佢換個隻」；亦有很多居於大埔區的網民表示曾光顧涉事水果店，同樣有不愉快經歷，「我琴日都貪平買咗個七十蚊，唔食得嘅，又係掉咗，好肉痛」、「試過買橙唔畀我揀，買咗返屋企發現全部乾水，食唔到，掉晒」。

果欄專家教留意3招防中伏

進濤菓欄負責人GiGi接受《晴報》訪問時表示，當榴槤果肉變成啡黑色通常已經「熟爛」，不宜食用。她指平日買整個榴槤時，由於未拆開外殼，的確難以憑肉眼分辨到內裡果肉的好壞，因而有機會「中伏」。她稱榴槤可分為「樹上熟」及「摘下待熟」兩種：

GiGi表示兩種榴槤的選擇原則略有不同，但普遍可按以下3大重點選擇：

1. 有少許爆口

最好選擇尾部有少少爆口的榴槤，通常都已成熟，夠香甜；惟爆口太多則有機會已吸引昆蟲進內，不宜選擇；如未有爆口多數未熟，若夾硬劈開味道會不夠香甜欠水準。

2. 顏色偏青/偏黃

以「樹上熟」的貓山王為例，它天生顏色及成熟後的外殼顏色都是偏青，所以選偏青色較佳；

而「摘下待熟」的金枕頭宜選外殼偏黃及啡色，代表已經成熟，若顏色偏青則較生，未適合打開食用。

3. 刺變軟身

成熟榴槤的刺會較軟身，如用拇指及食指可把兩根刺拉在一起，代表榴槤已經成熟。

GiGi提醒成熟後的榴槤需要盡快食用，否則於香港的潮濕天氣下容易變質，果肉變爛。她建議若想買一整個榴槤並確保它已成熟，穩妥起見可選擇樹上熟、底部有星形的貓山王，則不怕它又生又不夠香甜。

撰文：賴天兒

精選健康知識，盡在 Healthy Life 健康男女

https://fb.com/HealthyLifeExpress/