劇集《降魔的2.0》播放以來都獲得網友大讚，因為搞笑位和感動位參半，令不少網友一邊睇劇一邊笑中有淚。昨晚播出一集提到啤啤（劉佩玥飾）有兩個未了的心願，除了放不下馬季（馬國明飾）之外，亦曾經夢想可以做到專業的新聞從業員，可惜已經英年早逝，未能如願。芷若（黃智賢飾）在急症室親自宣告Ivy姐（林淑敏飾）搶救無效死亡後，竟然15分鐘後已經見到她的鬼魂追她做採訪，Ivy姐仍未知自己已死，以為滴了牛眼淚才看到啤啤，更邀請啤啤成為她的助手，爭取做芷若的人物專訪。直至Ivy見到同事楊東然（徐榮飾）在節目中悼念自己，才得知原來自己已死。
相關新聞：《愛回家》《On Call 36小時II》10日內兩度捐肝 網友擔心健康 林淑敏：「最慘係要戒酒囉」
(圖片：《降魔的2.0》劇照)
(圖片：《降魔的2.0》劇照)
(圖片：《降魔的2.0》劇照)
(圖片：《降魔的2.0》劇照)
(圖片：《降魔的2.0》電視截圖)
(圖片：《降魔的2.0》電視截圖)
(圖片：《降魔的2.0》電視截圖)
(圖片：《降魔的2.0》電視截圖)
(圖片：《降魔的2.0》電視截圖)
林淑敏今次飾演同樣是女強人的女主播，但顯然個性跟平日《愛回家之開心速遞》的大小姐截然不同，嬲對手截糊抄橋但都沒有「豈有此理」和篤同事的「魂精」，收晒火。而當她得悉自己死掉時，獨自崩潰流淚，林淑敏人鬼相隔聽到徐榮含淚對她說的告白，實在令觀眾感動落淚。網友們留言說：「好感動，跟住喊！」、「友情客串的嘉賓好戲過主角」、「短短一集，帶出了很多意思」、「林淑敏，徐榮，呢集充滿愛與淚」、「今集做得好，有意思！雖然只是客串，但有戲味。大小姐固然好戲，徐榮含蓄得有味道，總比大哭大叫，更是動心，更催淚。降魔的，總有叫人難忘的插曲！」
相關新聞：《愛回家》大小姐熊尚善拉隊行山執垃圾 拍片呼籲大家切勿做垃圾蟲
(圖片：受訪者提供)
(圖片：受訪者提供)
林淑敏接受《晴報》電話訪問，她表示：「好多謝大家鍾意呢場戲，其實今次係我拍處境劇之後再次拍正劇，其實兩邊拍法唔一樣，拍正劇嘅時候好似大鄉里咁，學到好多嘢！我同徐榮本身認識，大家都係拍過處境劇嘅演員，節奏相似，大家好快、好急，導演好好提醒我哋要慢慢去感受。我自己都盡量提醒自己依家唔係處境劇個角色，希望會呈現新鮮感。」她表示今輯跟上一輯角色相連，但戲路就不同，見證住對手劉佩玥的進步，她大讚劉佩玥記性好又專業，希望觀眾睇得到她的努力。
(圖片：受訪者提供)
林淑敏同徐榮的一集戲獲網友力讚，同行的利穎怡同許家傑都大讚，雖然林淑敏同徐榮劇中上演「人鬼情未了」，大放催淚彈，不過身為劇集好拍檔的許家傑沒有呷醋，反而留言讚淑敏：「Ivy姐，好好睇呀！而且你一定係最佳員工，死咗都掛住做嘢！#降魔的2#圖文不符#純粹想表揚你」
(圖片：許家傑IG )
責任編輯：楊安莉