周柏豪（Pakho）與老婆Stephanie結婚3年，去年12月迎接囡囡芯悅（Sonya）出世，成為幸福一家三口。榮升人父之後，柏豪鍚「前世情人」鍚到燶，不時上傳湊B點滴到社交網。日前他在IG上載跟囡囡玩耍的片段，拿着嬰兒紗巾不停遮臉又露臉，又扮BB聲講說話𠱁得囡囡哈哈大笑。而且柏豪亦不禁露出一臉慈父樣，又留言寫道：「她很喜歡笑，我也很喜歡看到她笑！」
相關新聞：【勁歌總選】周柏豪病癒復出掃5獎 「我個女真係好腳頭」
（圖片：周柏豪IG）
（圖片：周柏豪IG）
自芯悅出世後，柏豪為保護她，每次甫相總會遮住囡囡樣貌，只公開側面、腳仔等，今次難得曬近身影片，終於可以見到囡囡樣貌。5個月大的芯悅頭髮非常濃密，面圓圓，真係好可愛！
囡囡大個咗好多，好多頭髮呀！（圖片：周柏豪IG）
面圓圓好可愛（圖片：周柏豪IG）
柏豪為保護寶貝女，過往就算甫相，總會遮住佢樣貌（圖片：周柏豪IG）
（圖片：周柏豪IG）
柏豪近期就同相識18年的好兄弟袁偉豪（Benjamin）孖住搵真銀，為TVB拍攝節目《兩個小生去Camping 》，節目將於6月1日播出。二人會走入偏僻叢林大玩野外露營，既要上山又要下海，日曬雨淋，過程艱辛。節目會提及露營發燒友玩意，亦會介紹香港郊外紮營嘅好地方，柏豪同袁偉豪會喺野外煮食，更會玩滑翔傘同潛水，需要很好的體能，初嘗風箏滑浪的袁偉豪在拍攝期間，還不小心撞親尾龍骨，好在最後冇咩事咋。
兩兄弟感情好好（圖片：袁偉豪IG）
阿Ben同柏豪呢對娛樂圈好兄弟，識於微時，初出道做模特兒就好投契。兩人相識10多年間，曾合演舞台劇又合作拍劇《使徒行者2 》、《再創世紀》，在公在私都超級friend，簡直係形影不離。柏豪就話阿Ben係佢行內識得最耐的朋友，大家私下每日會傾偈，傾吓大家喺邊度，互相支持對方咁，關係親密。而呢對好兄弟最近除了孖住拍節目，仲一齊做善事，合力捐出一萬個口罩給有需要人士，真係有心！
（圖片：袁偉豪IG）
（圖片：袁偉豪IG）
（圖片：袁偉豪IG）
撰文：羅慧怡
責任編輯：楊安莉