【恐怖外傭】外傭熱湯放太近致小僱主燙傷 港媽醫院回家後崩潰： 佢靜雞雞執行李離開

不少父母因需工作，而聘請外傭幫忙照顧子女，卻不時發生「幫倒忙」、甚至傷害小孩之事。一名港媽今日（20日）在網上崩潰地發帖稱，家中外傭姐姐因未有把熱湯擺放好，令8個月大的幼子燙傷手臂及胸口，致二級燒傷；但當她在醫院忙於處理的同時，外傭竟然趁機收拾行李「走佬」。而外傭的不負責行為，亦引來網民們的一致炮轟。

該名港媽今日下午在Facebook群組「外傭僱主必看新聞訊息」發帖表示，昨日（19日）晚上外傭姐姐吃飯時，間接燙傷其幼子，

「擺個湯擺得太近，8個月大嘅BB伸手拉倒，依家BB入咗醫院二級燒傷，手劈（臂）同心口都大面積。同時喺醫院處理時，工人佢已經喺半夜靜雞雞汁（執）晒行李走咗佬。」

此事引來網民熱議，不少人留言炮轟外傭的行為極不負責，又祝福BB早日康復，「小朋友真係好無辜，留有傷口」、「睇到都心痛……祝BB快啲好返」、「最重要BB快啲好返先，個衰人唔可以就咁走咗去！」、「見到都心痛到想喊，很難想像發生在自己BB(身)上，實喊死。」

同時，亦有不少網民呼籲港媽報警處理，「呢啲傷害係一世，工人唔可以原諒，一定要報警，唔係去到下個顧(僱)主度又會唔小心！」、「一定要報警，反正而家佢都無機走。」、「報警啦，告佢疏忽照顧兒童，呢啲姐姐不能放佢一馬，一陣佢話你炒佢，要你賠錢！」

直至截稿前，未知港媽是否忙於處理此事，暫時仍未回覆網民如何處理此事及透露BB的最新情況。

責任編輯：李凱晴