5‧20報喜 鄭嘉穎爆家中快添新成員 陳凱琳︰呢胎都陀得OK

50歲的鄭嘉穎，去年初獲太太陳凱琳（Grace）誕下小王子Rafael，日前已傳出Grace再度懷孕，昨午二人終於在社交網報喜，宣布Rafael將做哥哥，認真可喜可賀。Grace接受《晴報》訪問時稱︰「呢胎都陀得OK，比第一胎好啲，好安全同穩定。」

日前爆出Grace懷第二胎的消息，但她未有正面回應，原來是要留待昨日「520」的浪漫日子報喜。她與丈夫鄭嘉穎昨午分別在社交網發布一家三口及夫妻甜蜜合照，其中一張照片更見到Grace明顯有「肉地」，似乎已懷孕一段日子。

她在IG留言︰「Rafa好快就要做哥哥啦，好開心可以喺『520』宣布我哋家庭將會多添一個新成員！喺呢段日子好感激我老公嘅細心照顧，亦都要多謝屋企人同朋友幫我保守呢個秘密，同時送上充滿愛嘅祝福畀我哋！」她又盼望BB出世後與哥哥一樣健康。鄭嘉穎亦在微博留言︰「Rafa即將升級當哥哥，1+1= 4。」

Baby Shower交代BB性別

多位圈中好友包括汪明荃、胡杏兒、唐詩詠、李施嬅、李佳芯、楊秀惠及蔡思貝等紛紛在二人的IG留言送祝福。Grace的閨密龔嘉欣稱︰「我們都很開心，又多一位成員來到你們這個充滿着超級多愛和溫暖的家庭，感動。」

Grace接受《晴報》電話訪問時表示，懷孕過程已經過一半，她坦言︰「呢胎都陀得OK，比第一胎好啲，好安全同穩定，多謝大家祝福。（仔定女？）暫時未講住，等往後Baby Shower先同朋友分享。」而鄭嘉穎亦表現興奮，問到其心情如何，嘉穎即時以手指公讚好表達開心之情。

至於網友亦齊聲恭喜二人再做爸媽，有人更指嘉穎和Grace皆屬俊男美女，基因強勁應該繼續生。

撰文︰Steven

編輯︰黃寶恩

美術︰Simon