近日TVB深夜重播《仁心解碼II》，方中信在劇中飾演高立仁，當時他劇中冷靜沉穩的性格迷倒不少女觀眾。
(TVB電視截圖)
相隔7年，現年57歲方中信有大部分頭髮變白，皺紋變多，不過依然好有男人味。至於老婆莫可欣身為1993年香港小姐冠軍當然keep得不錯，最近罕有素顏現身，兩個夫妻檔上陣，與一眾明星好友組隊去行山跑步。方中信身材依舊很好，莫可欣就身穿熒光T恤，打扮自然樸素。
(微博圖片)
{{hket:inline-image name="12.jpg"}}{{/hket:inline-image}}
(微博圖片)
莫可欣在瑞士長大，精通粵語、國語、英文、法文、德文，自言是瑞士人，擁有瑞士國籍，囡囡迦晴一樣有瑞士籍。本來她與方中信想送正學習法文的囡囡到瑞士讀書開眼界:「瑞士好靚又安全，比起好多國家歡迎外國人。」後來轉為2022年到英國升學。不過由於囡囡捨不得父母，不想太快離開他們，想留在香港，承諾讀到大學一定會出國，兩公婆見到囡囡咁孝順，所以隨她心意，延遲她出國時間，好好珍惜這段家庭時光。
(方中信微博圖片)
但不說不知道，原來莫可欣早年一度奉行不育主義，她曾接受有線電視節目《朝拜傲媽》訪問，對主持人黎燕珊坦言：「一開始我哋絕對冇諗過生小朋友，方生鍾意小朋友，我唔鍾意，我唔係好識點同小朋友相處，而且有咗小朋友就要諗結婚。」她補充：「諗諗吓，算啦大家咁長時間，結婚對家庭係合適。（有責任㗎嘛！）係，都係冇計畫嘅事。」
不過時至今日，莫可欣很感恩幸好有個孩子，認為囡囡把她的人生觀和生命改變，很多事情以仔女為先，以及做人終於有目的，她說：「我嗰陣返工放工周圍飛，去唔同國家做嘢，其實為乜？都唔知為乜。曾經有一刻覺得人生好悶，唔知點算；方生又要成日拍戲，大家好少時間一齊。我哋需要一啲嘢去keep住感情，直到有咗個小朋友，我終於有個目標。」所以她常常以過來人身份勸朋友「有仔趁嫩生」。
(有線電視截圖)
(有線電視截圖)
從前揚言不愛小朋友的莫可欣已經完全改變，一邊湊住囡囡，一邊與兩位閨密於赤柱投資開設兒童工作坊。雖然現時新冠肺炎疫情肆虐，依然吸引不少家長帶小朋友前來學習，好受歡迎。她笑言2年前她常常發現家中日用品，如潤膚露、眼藥水同膠盆等突然不知所蹤，於囡囡房竟然發現咗4、50盆「鬼口水」，於是她決定開工作坊，攞正牌「親子樂」，母女感情比以前更親密。
撰文：張芷晴
責任編輯：楊安莉