田蕊妮憶媽咪治療胃癌陪伴在旁 哽咽：「呢種親密世上無可取替」

陳志雲近日在YouTube頻道推出新節目《Stephen‧傾》，首集邀請到田蕊妮，阿田在節目中真情流露，在一個半鐘的節目入面哭完又狂笑，當中提到亡母因胃癌過身不禁哽咽落淚，場面感人。

{{hket:inline-image name="222r.jpg"}}{{/hket:inline-image}}

（圖片：《Stephen‧傾》影片截圖）

阿田被問到她跟媽咪關係如何時，她說：「媽媽係度嘅時候，佢嘅關心，佢嘅問候，你永遠會覺得好煩架嘛，好似管住晒咁。但當佢有啲咩需要我嘅時候，你又會覺得，呢種親密，世界唔會有另一樣嘢可以代替到。」

{{hket:inline-image name="rrr.jpg"}}{{/hket:inline-image}}

（圖片：《Stephen‧傾》影片截圖）

{{hket:inline-image name="300a8d79b83b3be6d00808ddeac6dda7.jpg"}}{{/hket:inline-image}}

阿田忍唔住流淚（圖片：《Stephen‧傾》影片截圖）

憶及媽咪患病，阿田表示一直相伴在旁，她不禁哽咽：「知道佢有病時，癌細胞未擴散嘅，但個胃要切咗佢，原先要做電療同化療，但因為我媽咪好怕痛又貪靚，見過另一個親戚做化療，個情況嚇得佢好驚。」阿田表示媽咪做完手術後，就陪住她睇氣功和中醫，讓她心理上比較舒服。

{{hket:inline-image name="kristaltin4_1024.jpg"}}{{/hket:inline-image}}

阿田同媽咪感情好好（圖片：田蕊妮IG）

可惜幾年後阿田媽咪癌症復發，飽受折磨 當時為陪伴她，阿田推了很多工作，例如一些要岀國拍的節目和劇集，又搬到媽媽身邊方便照顧。阿田表示：「當時拍劇自己揸車車返工放工，但阿媽都不放心，幾夜都定要等到我收工返屋企。」到2016年，在《來自喵喵星的妳》開拍前夕，可惜媽咪就突然病逝，阿田說：「最後期我直頭搬到醫院陪佢訓，當時好多朋友同我講，喺急救嘅過程會令病人好痛苦，我就盡量令佢舒服啲。」

{{hket:inline-image name="bkn-20160306215921433-0306_00862_001_02b.jpg"}}{{/hket:inline-image}}

阿田當時有上傳媽咪舊照悼念她（圖片：田蕊妮IG）

阿田在鏡頭前一直強忍淚水，節目安排了她唱《最親》，她未唱先投降說不能現場唱，最後只唱了兩句她便走出鏡頭外喊！

{{hket:inline-image name="maxresdefault.jpg"}}{{/hket:inline-image}}

媽咪過身時阿田正在開拍《來自喵喵星的妳》（網上圖片）

當時媽媽離開後，她也有發文表達對媽媽的思念。她曾在FB寫道：「我知道我要學懂放下，我知道我要接受您已離開我們的事實！我想工作現在對我來說是重要的。能幫助我分散注意力，令我有機會去投入另一個世界！媽咪，我正準備聽日開工。BTW您真的好美。」

撰文：羅慧怡

責任編輯：楊安莉