米雪否認劉松仁中風︰只係跌親

米雪與麥長青（麥包）昨日到啟德郵輪碼頭出席親子活動，日前米雪與好友劉松仁飯聚，提到盛傳劉松仁中風，米雪昨日代為否認︰「我哋一齊練咗好多年氣功，佢唔係中風，只係之前演舞台劇，喺後台跌親，所以要休息，行路唔係好方便。」再追問松哥真的並非中風？她說︰「應該唔係，佢好精神又精靈，跌親要小心慢慢行，醫生叫佢唔好大步咁行，佢都好聽話。」她又透露松哥正為音樂劇《利瑪竇》開會。

同場的麥包正轉型做KOL，每星期演出音樂直播騷，所以要勤力練歌，幸好反應不俗，他說︰「雖然未有錢賺，但有人斟我長期合作，希望搵到一條出路。」提到他因太太疑墮炒賣iPhone騙案，引發錢債官司，他表示官司今天將結案陳詞︰「我當係告一段落，對方都承認我唔係騙徒，還我一個清白。」