擁44吋半超長腿 劉穎鏇：瞓梳化放唔晒對腳

16年港姐亞軍劉穎鏇（Tiffany）天生高人一等，身高1.76米的她擁有44吋半超級長腿，令人羨慕又妒忌。不過Tiffany接受《晴報》專訪時，坦言「高妹」身形其實有不少煩惱，不但要訂造家具，更要為家人做「人肉腳架」！

昨日23歲生日的劉穎鏇，一副模特兒高䠷身材更相當吸睛。身高1.76米（5呎9吋）的她前年宣傳劇集時，曾公開量度一雙美腿，竟然有44吋半長，比楊明的腳足足長兩吋半。

雖然Tiffany的身材讓女生羨慕不已，但她坦言生得高大有不少煩惱：「我張床係度身訂造，我每晚先唔使捲到好似蝦米咁瞓覺。但屋企張梳化對我嚟講太細，如果打橫瞓上去，對腳就會凌空！」不過她的身高卻幫到家人：「屋企放得高嘅物件，我唔使企凳都攞到。我高過爸爸少少，有時爸爸要搵嘢，我水平綫就望到，所以佢成日要我做人肉腳架！」

與「哈比人」鄺潔楹成老友

身為籃球健將的Tiffany又自爆論盡，經常發生家居意外：「我習慣半夜去廁所，有時太急成日唔小心叉錯腳，唔知踩到咩嘢，到第二日先發現隻腳瘀晒。」不過，身高無礙Tiffany交友，她與出名細粒的鄺潔楹（Judy）因拍《學是學非》成為老友，雖然Judy只有1.55米高，但她們卻組成「最萌身高差」姊妹，前日Tiffany在IG上載合照，感謝Judy為她準備芝士蛋糕慶生，相當貼心。

採訪︰Pauline

編輯：李潔盈

美術：梁政敏