張衞健用阿媽偏方改善鼻敏感

張衞健（Dicky）最近飽受鼻敏感困擾，他日前在微博分享由張媽媽提供的治鼻敏感偏方，相中的他將兩粒蒜頭塞住鼻窿企圖止鼻水，相當搞笑。不過Dicky昨日接受《晴報》電話訪問時，坦言效果一般，更自爆小學上堂時曾連續打百個乞嚏，遭老師誤會他「玩嘢」，令他十分無奈。

張衞健日前在微博透露鼻敏感發作，令他相當辛苦，向來孝順又對媽媽言聽計從的他，嘗試了張媽媽的古法偏方。Dicky上載了兩張照片並留言︰「先用蒜頭塞住鼻子（阿媽教的），說可以殺菌兼煞停鼻水！效果是有的，但管用程度頂多只有30%！」

相中，Dicky將兩顆蒜頭塞進鼻孔內，由於未能止鼻水，於是他在蒜頭下再攝紙巾索鼻水︰「再加上紙巾堵住鼻水流下，那就可以專心上網了，一點都不影響我的周末好心情！在能笑的日子裏，千萬別哭。」

疫情下規劃人生

Dicky昨日接受本報電話訪問時，透露小學時期已患鼻敏感︰「我試過上堂時連續打百個乞嚏，老師以為我玩嘢，哈哈，我話『我唔係玩嘢呀』，但啲乞嚏真係密到好似特登咁。」提到張媽媽的偏方治療，Dicky笑說︰「真係一般，麻麻地，不過我近年都好番好多，好少發作。」

受新冠肺炎疫情影響，Dicky的工作大計亦打亂，他充滿正能量說︰「唔緊要啦，疫情下正好可以好好規劃，諗下自己人生係咪就咁過，應該係點樣過呢！疫情係全世界都面對緊嘅，大家一齊努力、一齊加油，唔會永遠都係陰天嘅，總會有一日晴天，疫情總會過去的，生活總要繼續。」

撰文︰倪小珊

編輯︰李潔盈

美術︰梁政敏