【聲明】港生活網站並無進行電話推廣活動

14歲陳是知打HPV針 君如唔准女兒有Puppy Love

發佈時間: 2020/05/26

吳君如昨日出席疫苗學堂的「回到校園大搜查破解HPV謎團」大行動,呼籲家長為下一代接種疫苗預防子宮頸癌。她表示在疫情期間,跟女兒陳是知相處的日子多了,但笑指女兒進入青春期「把口好密」,溝通時要從旁引導。

吳君如女兒陳是知已經14歲,問到是否開始對性知識充滿好奇?君如說女兒已注射HPV疫苗,她亦會盡量加以講解,並表示︰「個女間學校一直都有教嘅,不過佢唔知咩叫cancer,我成日都會同佢講解性方面嘅知識,又會強制告誡佢唔可以嘗試,一定要發育完成先可以做呢啲行為。」

新片上映受阻

問到君如女兒開始發展puppy love?君如反應頗大︰「唔得囉!其實有啲嘢都好難控制,佢有自己嘅社交網,不過我會相信佢。(囡囡識主動向你傾訴?)唔會啦,依家啲少女乜都收埋,我同老公喺屋企只係做『道具』,等佢自己有時肯講畀我哋知,佢鍾意睇美劇、愛情片同埋超級英雄片,全部我都唔鍾意睇,我同老公都只係投其所好,有時就會趁機會從旁引導囉。」

自新冠肺炎疫情爆發以來,君如一家三口從外地度假回港後,已完成自我隔離14天,其後亦盡量減少外出。君如說︰「個囡今日(昨日)返學,但佢話完全唔似返學嘅心情,可能呢幾個月已慣咗喺屋企,不過今次疫情令一家人團結咗,有朋友喺英國同美國返嚟都中招,所以大家做足防疫措施。」記者笑問一家人拗撬是否增多?君如續稱︰「好好彩,始終你幾愛一個人,都唔可能24小時對住,咁我哋惟有遷就啦,我得閒會畫畫同彈琴,依家幾乎日日親自下廚,整肉餅仲有海南雞飯,同埋會教個囡玩啤牌、猜枚同打牌。」

此外,君如監製的新片《媽媽的神奇小子》原定今年七月趁日本東京奧運前上映,她在戲中扮演蘇樺偉的母親。無奈因疫情關係,她表示剪片及後期工作已暫停,奧運亦已延期一年,惟有待疫情完結後才安排上映。

採訪︰Pauline

編輯:陳禮恒

美術:梁政敏

14歲陳是知打HPV針 君如唔准女兒有Puppy Love

君如去年上載與女兒陳是知的慶生照片,母女情深。(資料圖片)

14歲陳是知打HPV針 君如唔准女兒有Puppy Love

君如昨日與小朋友出席疫苗學堂活動。